अर्थतन्त्र

प्रदेश १ को आर्थिक गतिविधि कस्तो ? अध्ययन प्रतिवेदन यसाे भन्छ

• गाउँ सहर संवाददाता
• २१ कार्तिक आइतबार, २०७८ | ०८:२४:०० मा प्रकाशित

काठमाडौँ । नेपाल राष्ट्र बैङ्कले साविकका ९ वटा जिल्लाहरुबाट प्रदेश नं. १ अन्तर्गतका सबै १४ जिल्लाहरुमा (ताप्लेजुङ, पाँचथर, इलाम, झापा, संखुवासभा, तेह्रथुम, भोजपुर, धनकुटा, सुनसरी, मोरङ,सोलुखुम्बुओखलढुङ्गा, खोटाङ र उदयपुर) काे अध्ययन गरि आर्थिक गतिविधि अध्ययन एवम् प्रतिवेदन प्रकाशन गरेकाे छ । 

बैंकले “आर्थिक गतिविधि तथा विशेष अध्ययन मार्गदर्शन, २०७६” कार्यान्वयनमा ल्याएको छ । उक्त मार्गदर्शनको आधारमा कार्यालयको कार्यक्षेत्रभित्र पर्ने प्रदेश नं. १ अन्तर्गतका उल्लिखित सबै १४ जिल्लाहरुमध्ये ११ जिल्लाबाट स्थलगत तथा बाँकी ३ जिल्लाबाट गैह्रस्थलगत रुपमा संकलन गरिएको अर्थतन्त्रका प्रमुख क्षेत्रहरु कृषि, उद्योग, सेवा तथा पूर्वाधार विकास सम्बन्धी तथ्याङ्कको प्रशोधन र विश्लेषण गरी विगत वर्षहरुमा जस्तै आ.व. २०७७/७८ को वार्षिक आर्थिक गतिविधि अध्ययन प्रतिवेदन तयार पारिएको छ ।

प्रतिवेदनमा सरोकारवाला निकाय/व्यक्ति तथा विषय विज्ञसँगको अन्तरक्रिया, छलफल एवम् सर्वेक्षणकर्ताको विश्लेषण समेतका आधारमा पहिचान भएका क्षेत्रगत चुनौती, सम्भावना तथा आगामी परिदृश्य समेत चित्रण गरिएको बैंकले उल्लेख गरेकाे छ ।

पूर्ण प्रतिवेदन यहाँ हेर्नुहाेस्