राजनीति

प्रदेश १ काे मुख्यमन्त्रीमा दावी पेश गर्न प्रदेश प्रमुखको आह्वान

विराटनगर । प्रदेश १ का मुख्यमन्त्री भीम आचार्यले दिएको राजीनामा स्वीकृत गर्दै प्रदेश प्रमुख सोमनाथ अधिकारी प्यासीले मंगलबार १ बजेभित्र नयाँ सरकार गठनको दाबी पेश गर्न दलहरूलाई आह्वान गरेका छन् ।

प्रदेश प्रमुखको कार्यालयका सूचना अधिकारी विमल पौडेलले दिएको जानकारीअनुसार आचार्यको राजीनामा स्वीकृत गरेलगत्तै प्रदेश प्रमुखले नयाँ सरकार गठनका लागि आह्वान गरेका हुन् ।

 

प्रदेश-१ मा यसअघि विपक्षी गठबन्धनमा रहेका दलको स्पष्ट बहुमत छ। उनीहरूले नेकपा (एकीकृत समाजवादी) का सांसद राजेन्द्र राईलाई मुख्यमन्त्री बनाउने तयारी गरेका छन् ।

मुख्यमन्त्रीमा राईको दाबी गर्न यसअघि नै  उनीहरूले सांसदको हस्ताक्षर संकलन गरिसकेका छन् ।

 

 

गाउँ सहर संवाददाता

तपाईँको मत