साताभरि नै नेप्से बढ्याे, ११ अर्ब ८४ करोड ६४ लाख ५७ हजारको काराेबार
- गाउँ सहर संवाददाता
- १३ कार्तिक शनिबार, २०७८ | १३:२३:०० मा प्रकाशित
काठमाडौँ । यो साता पाँच कारोबारकाे सबै दिन नेप्से बढेकाे छ । साताकाे अन्तिम दिन २ हजार ७८२ दशमलव ११ विन्दुमा पुगेको छ । गत साताको अन्तिम कारोबार दिन २ हजार ५५६ दशमलव ९६ विन्दुमा रहेको बजार यो साता २२५ दशमलव १५ विन्दु माथि उक्लिएको हो ।
३ हजार २०० विन्दु पार गरिसकेको नेपालको धितोपत्र बजार पछिल्लो समय नेपाल राष्ट्र बैंकको मौद्रिक नीतिमा भएको शेयर धितोकर्जाको सीमा रू. १२ करोडमा सीमित गरिदिँदा प्रभावित बनेको थियो ।
साताको पहिलो कारोबार दिन २७ दशमलव ६६ अंकले दोस्रो दिन ८७ दशमलव ६३ अंकले, तेस्रो दिन ७८ दशमलव ८२ अंकले, चौथो दिन १८ दशमलव शून्य ६ अंकले र पाँचौ दिन १२ दशमलव ९८ अंकले बजार बढेको हो ।
यो साता समग्र धितोपत्र कारोबार मापक नेप्से परिसूचकसँगै सेन्सेटिभ इन्डेक्स पनि ३७ दशमलव ६० अंकले बढेको छ । गत साताको अन्तिम कारोबार दिन ४८३ दशमलव ४० विन्दुमा रहेको सेन्सेटिभ इन्डेक्स यो साता ५२१ विन्दुमा पुगेको हो ।
पाँच कारोबार दिन नै बढेको बजारबाट लगानीकर्ताको सम्पत्तिको मूल्य पनि रू. ३ खर्ब १५ अर्ब १४ करोडभन्दा बढीले वृद्धि भएको छ । गत साताको अन्तिम कारोबार दिन रू. ३५ खर्ब ७९ अर्ब ७८ करोडभन्दा बढी रहेको कुल बजारपूँजीकरण यो साता रू. ३८ खर्ब ९४ अर्ब ९२ करोडभन्दा बढी कायम भएको हो ।
गत साताभन्दा यो साता कारोबार रकम र कित्तामा पनि वृद्धि भएको छ । गत साता रू. १३ अर्ब ५६ करोड २१ लाख १६ हजार बराबरको ३ करोड ५३ लाख २० हजार ९९ कित्ता शेयर कारोबार भएकोमा यो साता रू. २५ अर्ब ४० करोड ८५ लाख ७४ हजार बराबरको ४ करोड ६५ लाख २८ हजार ८६० कित्ता शेयर काराबोर भएको हो ।
गत साताभन्दा यो साता रू. ११ अर्ब ८४ करोड ६४ लाख ५७ हजार बराबरको १ करोड १२ लाख ८ हजार ७६१ कित्ता बढी शेयर कारोबार भएको हो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस