अर्थतन्त्र

सांग्रिला डेभलपमेन्ट बैंककाे वित्तीय साक्षरता, साढे ६ हजार जनाकाे उपस्थिति

काठमाडौँ । सांग्रिला डेभलपमेन्ट बैंकले १७ औं वार्षिकोत्सव अवसर पारेर देशभर साताव्यापी कार्यक्रम सार्वजनिक गरेअनुसार कात्तिक ९ गते ९८ शाखाबाट एकैसाथ वित्तीय साक्षरता कार्यक्रम सम्पन्न गरेको छ ।

विभिन्न शाखा कार्यालयले देशभरका विभिन्न स्कुल, कलेज, सामुदायिक संघ–संस्थामा आबद्ध विभिन्न व्यक्तिलाई वित्तीय साक्षरतासम्बन्धी जानकारी दिने उद्देश्यले कार्यक्रम आयोजना गरिएको बैंकले बताएको छ ।

बचतको महत्व सिकाउने, बैंकिङ कारोबारसम्बन्धी जनचेतनामूलक सन्देश प्रदान गर्ने, विद्युतीय माध्यमद्वारा बैंकिङ कारोबार गर्न सिकाउने, बैंकिङ प्रणालीमार्फत आर्थिक कारोबार गर्न सन्देश प्रवाहलगायत बैंकिङ सेवासम्बन्धी जनचेतना जगाउने उद्देश्यले कार्यक्रम आयोजना गरिएको बैंकले जनाएको छ ।

बैंकका देशभर रहेका ९८ शाखा कार्यालयबाट करिब साढे ६ हजारले उक्त कार्यक्रममा भाग लिएका थिए ।

गाउँ सहर संवाददाता

तपाईँको मत