वातावरण

प्रदेश १ तथा गण्डकी प्रदेशका एकदुई स्थानमा धेरै भारी वर्षा, सचेत हुन अनुराेध

• गाउँ सहर संवाददाता
• ३ कार्तिक बुधबार, २०७८ | ००:०१:०० मा प्रकाशित

काठमाडौँ । आज २०७८ कार्तिक ०४ गते बिहिवार, जल तथा मौसम विज्ञान विभागका अनुसार दिउँसो प्रदेश नं १, प्रदेश न २, बागमती प्रदेश, गण्डकी प्रदेश र लुम्बिनी प्रदेशमा सामान्य बदली रही सुदूरपश्चिम प्रदेश र कर्णाली प्रदेशमा आंशिक देखि सामान्य बदली रहने छ । प्रदेश १, बागमती, गण्डकी र लुम्बिनी प्रदेशका केही स्थानहरुमा साथै बाँकी प्रदेशका थोरै स्थानहरुमा मेघगर्जन चट्याङ्गसहित हल्का वर्षाको सम्भावना रहेको छ ।

यस्तै राति प्रदेश नं १, प्रदेश न २, बागमती प्रदेश, गण्डकी प्रदेश र लुम्बिनी प्रदेशमा सामान्य बदली रही सुदूरपश्चिम प्रदेश र कर्णाली प्रदेशमा आंशिक बदली रहने छ । प्रदेश १, बागमती, गण्डकी र लुम्बिनी प्रदेशका थोरै स्थानहरुमा साथै बाँकी प्रदेशका एक दुई स्थानहरुमा मेघगर्जन चट्याङ्गसहित हल्का वर्षाको सम्भावना रहेको छ ।

लगातारको वर्षाले देशका अधिकांस स्थानमा ठूलो क्षति गरेको छ भने जनजीवन असामान्य बनाएको छ । सरकारले राहतमा कुनै कमी नगर्न निर्देशन दिएकाे छ ।

जल तथा मौसम विभागकाे २४ घण्टे निर्देशनानुसार देशभर सामान्य देखि पूर्ण बदली रहने छ । देशका धेरै स्थानहरूमा हल्का देखि मध्यम वर्षाको सम्भावना रहेको छ । देशका उच्च पहाडी तथा हिमाली भूभागहरुका केही स्थानहरुमा हल्का देखि मध्यम हिमपातको समेत सम्भावना छ ।

प्रदेश १, प्रदेश २, लुम्बिनी तथा गण्डकी प्रदेशका केही स्थानहरू, बागमती प्रदेश, कर्णाली र सुदूरपश्चिम प्रदेशका एकदुई स्थानमा  मेघगर्जन चट्याङ्ग भारी वर्षाको समेत सम्भावना रहेको छ ।

प्रदेश १ तथा गण्डकी प्रदेशका एकदुई स्थानमा धेरै भारी वर्षाको पनि सम्भावना रहेकोले आवश्यक सतर्कता अपनाउनु हुन अनुरोध गरेको छ ।