अर्थतन्त्र

सेयरः कारोबारको चौथो दिन आज बुधबार पनि दोहोरो अंकको वृद्धि, काराेबार ५ अर्ब पुगेन

• गाउँ सहर संवाददाता
• २० असोज बुधबार, २०७८ | १५:२१:०० मा प्रकाशित

काठमाडौँ । नेपाल स्टक एक्सचेञ्ज (नेप्से) मा साताको कारोबारको चौथो दिन आज बुधबार पनि दोहोरो अंकको वृद्धि भएको छ ।

आज नेप्से ६८.४७ अंकले बढेर दुई हजार ६ सय ८१ दशमलब १० विन्दुमा पुगेको हो ।

त्यस्तै, आज नेप्से बढे पनि कारोबार रकममा भने उल्लेखनीय प्रगति देखिएको छैन । आज ४ अर्ब ५० करोड ६ लाख ५८ हजार १४२ बराबरको मात्र कारोबार भएको छ । अघिल्लो दिन मंगलबार २ अर्ब मात्र कारोबार भएकोमा बुधबार भने बढेको छ । सोमबार ३ अर्ब ६२ करोड ७७ लाख बराबरको कारोबार भएको थियो ।

नेप्सेका अनुसार आज कारोबार भएका कम्पनीमध्ये २० कम्पनीको सेयरमूल्यमा उच्च वृद्धि भएको छ । आज सेयरमूल्यमा उच्च वृद्धि हुने कम्पनीहरुमा बेष्ट फाइनान्स, प्रोग्रेसिभ फाइनान्स, ग्रामीण विकास, नयाँ सारथी, मिथिला लघुवित्त लगायत रहेका छन् ।