स्वास्थ्य

नेपालमा काेराेनाकाे अवस्था धरातलमै सुधार भएकाे हाे ? सक्रिय संक्रमण घट्दाे, पूर्ण खाेप लगाउने ६२ लाख ५ हजार ७७०

• गाउँ सहर संवाददाता
• १२ असोज मंगलबार, २०७८ | १९:०३:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा थप १२ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ११ हजार ११५ पुगेको छ ।

पछिल्लो २४ घण्टामा १४ हजार ३ को परीक्षण भएको छ हुँदा १ हजार १५८ संक्रमित थपिएका छन् । योसहित कुल संक्रमितको संख्या ७ लाख ९३ हजार २७१ पिसिआरबाट र ९१ हजार १०८ जना एन्टिजेन विधिबाट पत्ता लागेको छन् ।

अहिलेसम्मका संक्रमितमध्ये ३६४ सघन र १२० जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या गत २४ घण्टामा १ हजार ३१८ छ । योसहित कुल निको हुनेको संख्या ७ लाख ६३ हजार ७३४ पुगेको छ ।

देशभरका क्वारेन्टाइनमा रहनेको संख्या ३२८ र होम आइसोलेशनमा रहेको संख्या १७ हजार १२५ छ भने संस्थागत आइसोलेशनमा रहेको संख्या १ हजार २९७ छ ।

देशमा सक्रिय संक्रमितको संख्या १८ हजार ४२२ रहेको छ ।

अहिलेसम्म पूर्ण खोप खोप लगाउनेको संख्या ६२ लाख ५ हजार ७७० छ । उमेर समूहको आधारमा अझैपनि २१ देखि ६० वर्ष उमेर समूहमा संक्रमण बढी छ ।

मन्त्रालयका अनुसार संक्रमण दर १८.९ प्रतिशत र मृत्यु प्रति दश लाखमा ३७४.६ रहेको छ ।

मन्त्रालयका अनुसार अहिले ५०० भन्दा बढी संक्रमित रहेका जिल्लाहरु ९ छन् भने २०० माथि संक्रमित रहेका २० जिल्लाहरु छन् ।

रेविज दिवसः कुरा बुझाैँ, त्रसित नहोऔँ