स्वास्थ्य

कोरोनाबाट थप ९ जनाको मृत्यु, पछिल्लो २४ घण्टामा थपिए १ हजार ४७६ संक्रमित, निको भए १ हजार ५५०

भेराेसेलकाे दाेस्राे मात्रा लगाउँदै सर्वसाधारण । तस्बिरः भक्तपुर नगरपालिका ।

काठमाडौँ । नेपालमा कोरोनाबाट पछिल्लो २४ घण्टामा थप ९ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ११ हजार ८१ पुगेको छ ।

पछिल्लो २४ घण्टामा १५ हजार ६९० को परीक्षण भएको छ हुँदा १ हजार ४६७ संक्रमित थपिएका छन् । 

अहिलेसम्मका संक्रमितमध्ये ३४७ सघन र १०५ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या गत २४ घण्टामा १ हजार ५५० छ । योसहित कुल निको हुनेको संख्या ७ लाख ५८ हजार ५०४ पुगेको छ ।

देशभरका क्वारेन्टाइनमा रहनेको संख्या २४४ र होम आइसोलेशनमा रहेको संख्या १८ हजार ९६९ छ भने संस्थागत आइसोलेशनमा रहेको संख्या १ हजार ३१८ छ ।

देशमा सक्रिय संक्रमितको संख्या २० हजार २८७ रहेको छ ।

अहिलेसम्म पूर्ण खोप खोप लगाउनेको संख्या ५९ लाख ४६ हजार २२ छ ।

उमेर समूहको आधारमा अझैपनि २१ देखि ६० वर्ष उमेर समूहमा संक्रमण बढी छ ।

मन्त्रालयका अनुसार संक्रमण दर १९ प्रतिशत र मृत्यु प्रति दश लाखमा ३७३.५ रहेको छ ।

मन्त्रालयका अनुसार अहिले ५०० भन्दा बढी संक्रमित रहेका जिल्लाहरु ९ छन् भने २०० माथि संक्रमित रहेका २२ जिल्लाहरु छन् ।

गाउँ सहर संवाददाता