स्वास्थ्य

कोरोनाबाट थप ८ जनाकाे मृत्यु, ३७१ सघन र १०८ जनाको भेन्टिलेटरमा उपचार हुँदै

• गाउँ सहर संवाददाता
• ४ असोज सोमबार, २०७८ | १६:२३:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा थप ८ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ११ हजार ४८ पुगेको छ ।

पछिल्लो २४ घण्टामा १३ हजार ८७१ को परीक्षण हुँदा १ हजार ९५ संक्रमित थपिएका छन् ।

अहिलेसम्मका संक्रमितमध्ये ३७१ सघन र १०८ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या गत २४ घण्टामा २ हजार ९५७ छ । योसहित कुल निको हुनेको संख्या ७ लाख ५२ हजार १७० पुगेको छ ।

देशभरका क्वारेन्टाइनमा रहनेको संख्या २६४ र होम आइसोलेशनमा रहेको संख्या २० हजार ८९१ छ भने संस्थागत आइसोलेशनमा रहेको संख्या १ हजार ४३२ छ ।

देशमा सक्रिय संक्रमितको संख्या २२ हजार ३२३ रहेको छ ।

मन्त्रालयका अनुसार १० जिल्लाहरुमा ५०० भन्दा बढी सक्रिय संक्रमित रहेका छन् । २० जिल्लामा संक्रमण २०० भन्दा माथिमा छ ।

अहिलेसम्म पूर्ण खोप खोप लगाउनेको संख्या ५५ लाख ८८ हजार ५१७ छ ।

उमेर समूहको आधारमा अझैपनि २१ देखि ६० वर्ष उमेर समूहमा संक्रमण बढी छ ।

मन्त्रालयका अनुसार संक्रमण दर १९.२ प्रतिशत र मृत्यु प्रति दश लाखमा ३७२.४ रहेको छ ।

मन्त्रालयका अनुसार अहिले ५०० भन्दा बढी संक्रमित रहेका जिल्लाहरु ११ छन् भने २०० माथि संक्रमित रहेका २१ जिल्लाहरु छन् ।