स्वास्थ्य

कोभिड-१९ लक्षणसँग मिल्दोजुल्दो स्क्रब टाइफस के हाे, कसरी बच्ने ?

काठमाडौँ । कोभिड-१९ लक्षणसँग मिल्दोजुल्दो स्क्रब टाइफस "ओरिन्सिया सुसुगामासी" जीवणुले संक्रमित एक प्रकारको सानो किर्नाको टोकाइबाट मानिसमा सर्छ । समयमै उपचार नगरे यसले गम्भीर रूप लिन सक्छ । जस्तै मष्तिस्क, कलेजो, फोक्सो, आदिको संक्रमण र कहिलेकाहिँ बहुअंग विकारको अवस्था पनि सिर्जना हुन सक्छ ।

यसका लक्षणहरूमाः उच्च ज्वरो आउनु, टाउको धेरै दुख्नु, मांसपेशी दुख्नु, खोकी-वान्ता-पेट दुखाइले सताउनु, आँखा रातो हुनु, कहिलेकाहिँ टोकेको ठाउँमा दाग देखिनु, विभिरा देखिनु र स्वास फेर्न समस्या हुनु रहेका छन् ।

यसबाट बच्नको लागि खेत, झाडी वा वनजंगल जाँदा बाहुला भएको कपडा, जुत्ता लगाउने र घर वरिपरी घाँस बढ्न नदिने, वातावरण सफा राख्ने, मुसा नियन्त्रण गर्न उपयुक्त किसिमले अन्न भण्डारण गर्ने ।

यस रोगका लक्षणहरू कोभिड-१९ सँग मिल्दोजुल्दो भएकोले कोभिड-१९ परीक्षण गर्दा नेगेटिभ आएपनि स्क्रब टाइफसको जाँच गर्न र औषधि खान स्वास्थ्य तथा जनसंख्या मन्त्रालयले अनुरोध गरेको छ ।

गाउँ सहर संवाददाता

तपाईँको मत