अर्थतन्त्र

स्थिर देखिएकाे नेप्सेमा काराेबार रकम ९ अर्बमा सीमित

• गाउँ सहर संवाददाता
• १६ भदौ बुधबार, २०७८ | १६:३२:०० मा प्रकाशित

काठमाडाैं । साताकाे चाैथाे दिन बुधबार नेप्से परिसूचक स्थिरजस्तै देखिएको छ । नेप्से स्थिर देखिएपनि काराेबार रकम भने ह्वात्तै बढेकाे छ । 

यस दिन नेप्से परिसूचक १.१४ अंक बढेर २९७६.९८ विन्दुमा पुगेको छ । त्यसैगरी, यस दिन सेन्सेटिभ इण्डेक्स ०.१७ अंक बढेको छ भने फ्लोट इण्डेक्स ०.०२ अंक र सेन्सेटिभ फ्लोट इण्डेक्स ०.११ अंक घटेको छ ।

आज कूल २२६ वटा कम्पनीको १ करोड ७१ लाख ८२ हजार ८७१ कित्ता शेयर कारोबारमा आएको छ । उक्त संख्याको शेयर १ लाख ४ हजार ३४२ पटक खरीद बिक्री हुँदा कारोबार रकम ९ अर्ब ३५ करोड १७ लाख ९९ हजार ६५५ रूपैयाँ कायम भएको छ । अघिल्लो कारोबार दिन मंगलबार १३ अर्ब २५ करोड भन्दा बढीको शेयर खरिद बिक्री भएको बजारमा ३ अर्ब ९१ करोडले शेयर कारोबार रकम घटेको हो ।

यो दिनको कारोबारमा ८३ वटा कम्पनीको सेयर मूल्य बढेको छ भने १२३ वटा कम्पनीको सेयर मूल्य घटेको छ । साथै २० वटा कम्पनीको सेयर मूल्य स्थिर छ ।

यो दिनको कारोबारमा सबैभन्दा धेरै सेयर मूल्य बढ्ने कम्पनीमा रुरु जलविद्युत् परियोजना, ओरियन्ट होटल्स, युनाइटेड मोदी हाइड्रोपावर, हिमालयन उर्जा विकास कम्पनीलगायतका कम्पनी छन् ।

सबैभन्दा धेरै गुमाउने कम्पनीमा खानीखोला हाइड्रोपावर, गुहेश्वरी मर्चेन्ट बैंक एण्ड फाइनान्स, कर्पोरेट डेभलपमेन्ट बैंकलगायतका कम्पनी छन् ।

कारोबार रकमका आधारमा यस दिन पनि अरुण भ्याली हाइड्रोपावर शीर्ष स्थानमा रहेको छ । सो कम्पनीको यस दिन ५९ करोड ९३ लाख रुपैयाँभन्दा बढीको शेयर खरिदबिक्री भएको छ ।