दिगोविकास

ओरालो यात्रामा नेप्से ! १३ अर्बकाे काराेबार

काठमाडाैं । मंगलबार शेयर बजारमा उच्च अंकको गिरावट आएको छ । 

यसदिन नेप्से परिसूचक २.२७ प्रतिशत अर्थात ६९.०५ अंक घटेर २९७५.८४ विन्दुमा झरेको छ । 

२ करोड ३१ लाख ९ हजार ७१३ कित्ता सेयर १३ अर्ब २५ करोड ९६ लाख ९६ हजार १०७ रुपैयाँमा कारोबार भएको छ ।

पछिल्ला दिनमा नेप्से निरन्तरजसो ओरालो लागेकाे छ । 

यो दिनको कारोबारमा ३० वटा कम्पनीको सेयर मूल्य बढ्दा १९६ वटा कम्पनीको सेयर मूल्य घटेको छ । साथै २ वटा कम्पनीको सेयर मूल्य स्थिर छ ।

मंगलबार विकास बैंक, जलविद्युत, र फाइनान्सको सूचक ३ प्रतिशतभन्दा धेरैले घटेको छ ।

यसदिन अरूण भ्याली हाइड्रोपावर डेभलपमेन्ट कम्पनी लिमिटेडको सर्वाधिक १ अर्ब १ करोडको शेयर कारोबार भएको छ । कम्पनीको १३ लाख ४९ हजार कित्ता कारोबार भएको छ ।

यो दिन रुरु जलविद्युत् परियोजना, माउन्टेन हाइड्रोपावर, हिमालयन उर्जा विकास कम्पनी, सिभिल लघुवित्तलगायतका कम्पनीको सेयर मूल्य घटेको छ ।

कर्णाली विकास बैंक, मनकामना स्मार्ट लघुवित्त, सपोर्ट माइक्रोफाइनान्स, कर्पोरेट डेभलपमेन्ट बैंकलगायतका कम्पनीको सेयर मूल्य बढेको छ ।

गाउँ सहर संवाददाता