राजनीति

गगन थापाले गरे कांग्रेस महामन्त्रीमा उम्मेदवारी घोषणा

• गाउँ सहर संवाददाता
• १४ भदौ सोमबार, २०७८ | १३:३४:०० मा प्रकाशित

काठमाडाैं । कांग्रेस नेता गगन थापाले पार्टीको १४औं  महाधिवेशनमा महामन्त्री पदमा उठ्ने घोषणा गरेका छन् । काठमाडौं महानगरपालिका–३० को कार्यकर्ता भेलालाई सोमबार सम्बोधन गर्दै थापाले महामन्त्रीमा उम्मेदवारी घोषणा गरेका हुन् ।

थापाले आफूले कांग्रेसको सदस्यता लिएको ठाउँ, आफ्ना अग्रहरु सबै यहीँ भएको बताउँदै सो ठाउँमा उमेदवारी घोषणा गर्ने जस्तो पवित्र ठाउँ आफ्नो लागि अर्को नहुने बताएका थिए ।

“मैले यहीँबाट सदस्यता लिएँ, मेरा यहाँ थुप्रै अग्रजहरु हुनुहुन्छ, यस्तो पवित्र ठाउँ मेरालागि अर्को हुनै सक्दैन,” थापाले उमेदवारी घोषणा गर्दै भनेका थिए ।

थापा सोही वडाका स्थायी बासिन्दा हुन् । 

कांग्रेस केन्द्रीय सदस्य रहेका थापा १३औं महाधिवेशनमा महामन्त्रीको उम्मेदवार थिए । उनीसँग अर्जुननरसिंह केसी पनि प्रतिस्पर्धामा थिए । महामन्त्रीमा विजयी भने शशांक कोइराला भएका थिए ।

थापा यो पटक कुन समूहबाट उम्मेदवार बन्ने अझै टुंगो लागेको छैन ।