वातावरण

देशका विभिन्न स्थानहरूमा भारी वर्षा, नदीहरुमा बहाब बढ्ने र केहीमा सतर्कता अपनाउन आग्रह

काठमाडाैँ । आज २०७८ भाद्र १३ गते (आइतबार) देशका विभिन्न स्थानहरूमा भारी वर्षा भइरहेकाे छ ।

जल तथा माैसम विज्ञान विभागले आज दिउँसो देशको अधिकांस भू-भागमा सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको बताएकाे थियाे । उसका अनुसार प्रदेश १,  गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरुमा मेघ गर्जन/चट्याङ्ग सहित भारी सम्भावना रहेको छ ।

यस्तै आज राति देशभर सामान्य देखि पूर्ण बदली रही धेरै स्थानहरुमा हल्का देखि मध्यम वर्षाको सम्भावना रहेको र प्रदेश १, बागमती, कर्णाली  र सुदूरपश्चिम प्रदेशका थोरै स्थानहरुमा मेघ गर्जन/चट्याङ्ग सहित भारी वर्षाको सम्भावना रहेको विभागले जनाएकाे छ ।

यता बाढी सूचनामा पनि देशका विभिन्न स्थानका खाेलाहरू बढ्ने भन्दै सचेत रहन आग्रह गरिएकाे छ ।

जारी सूचनामा कोशी, नारायणी र यिनका सहायक नदीहरुमा बहाब बढ्ने र केहीमा सतर्कता आसपास पुग्न सक्ने; कर्णाली, महाकाली र यिनका सहायक नदीहरुमा बहाव सामान्य बढ्ने; मझौला नदीहरु कन्काई, कमला, बागमती, पूर्वी राप्ती, तिनाउ, पश्चिम राप्ती, बबई लगायतमा बहाब बढ्ने तथा सतर्कता तह भन्दा तलै रहने पूर्वानुमान रहेकाे विभागले जनाएकाे छ ।

गाउँ सहर संवाददाता

तपाईँको मत