स्वास्थ्य

के फेरि कडा निषेधाज्ञा हुन सक्छ, के भन्छ निकाय ?

[गरे जनस्वास्थ्यका मादण्डहरूकाे बेवास्ता, आउन सक्छ कडा निषेधाज्ञाकाे अवस्था]

काठमाडाैँ । पुनः निषेधाज्ञा हुन सक्छ ? भन्ने प्रश्नकाे उत्तरमा स्वास्थ्य तथा जनसंख्या मन्त्रालयले गतिविधि नियन्त्रणभन्दा बाहिर गए वा यस्ताे अवस्था देखिए हुनसक्ने संकेत गरेकाे छ ।

यता केहि समयदेखि स्मार्ट निषेधाज्ञाकाे पनि चर्चा चुलिएकाे समयमा मन्त्रालयकाे यस्ताे जानकारी आएकाे हाे ।

मंगलबार उसले जारी गरेकाे सूचनामा पछिल्लाे समय काेराेना संक्रमण केहि घटेपनि संक्रमण दर भने स्थिर रहेकाे बताएकाे छ । उसले भनेकाे छ, "तर निषेधाज्ञा खुकुलाे पारेसँगै स्वास्थ्य मापदण्डकाे बेवास्ता गर्ने र चाडपर्वकाे बहानामा विभिन्न स्थानमा भिडभाड गर्ने क्रम बढेकाे छ ।"

"यसले अन्ततः काेराेना संक्रमण बढाउने र त्यसकाे नियन्त्रणकाे लागि कडा निषेधाज्ञा गर्नैपर्ने अवस्थामा पुर्याउँछ । त्यस्ताे अवस्था आउन नदिने दायित्व तपाईं हाम्रै हाे । त्यसैले मास्क लगाउने, भाैतिक दुरी कायम गर्ने, भिडभाड नगर्नेजस्ता जनस्वास्थ्यका मापदण्डकाे इमान्दारीपूर्वक पालना गराैँ" जारी सूचनामा भनिएकाे छ ।

थप मन्त्रालयले भनेकाे छ - "गरे जनस्वास्थ्यका मादण्डहरूकाे बेवास्ता, आउन सक्छ कडा निषेधाज्ञाकाे अवस्था ।"

गाउँ सहर संवाददाता