स्वास्थ्य

कोरोनाबाट थप २० जनाको मृत्यु, ७६० सघन र १८६ जनाको भेन्टिलेटरमा उपचार हुँदै

काठमाडौँ । नेपालमा कोरोनाबाट अहिलेसम्म १० हजार २५९ को मृत्यु भएको छ । कुल संक्रमित पिसिआरबाट ७ लाख ३० हजार ४७९ र एन्टिजेन विधिबाट ७४ हजार ७११ पुगेका छन् भने निको हुने ६ लाख ८० हजार ८१५ छन् ।

पछिल्लो २४ घण्टामा कोरोनाभाइरसकाे कारण २० जनाको मृत्यु भएको छ । पछिल्लो २४ घण्टामा १३ हजार ५७६ को परीक्षण हुँदा २ हजार ६२४ संक्रमित थपिएका छन् । जसमा महिला ४०.११ र पुरूष ५९.८९ प्रतिशत छन् ।

अहिलेसम्म भएका परीक्षण र पहिचान भएका संक्रमितमध्ये ७६० सघनमा र १८६ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार ३२० छ ।  जुन ९३.२ प्रतिशत हो ।

आजसम्म ३७ लाख ४९ हजार ४८४ जनाको पिसिआर परीक्षण भएको छ भने एन्टिजेन विधिबाट ३ लाख ९१ हजार ८३५ को परीक्षण भएको छ । देशभरका क्वारेन्टाइनमा रहनेको संख्या ४११ र होम आइसोलेशनमा रहेको संख्या ३६ हजार २ छ भने संस्थागत आइसोलेशनमा रहेको संख्या ३ हजार ४०३ छ । देशमा सक्रिय संक्रमितको संख्या ३९ हजार ४०५ रहेको छ । 

अहिलेपनि २० देखि ६० वर्ष उमेर समूहमा संक्रमण उचो छ । गाउँ तथा सहरमा संक्रमण बढेको मन्त्रालयले बताएको छ ।

अहिलेसम्म कोरोनाविरुद्धको दोस्रो मात्राको खोप प्राप्त गर्नेको संख्या ३३ लाख ३ हजार ५७८ पुगेको मन्त्रालयले जनाएको छ ।

पछिल्लाे संक्रमण दर १९.५ प्रतिशत र प्रति दशलाखमा मृत्यु ३४५.१ रहेकाे मन्त्रालयले बताएकाे छ ।
 

गाउँ सहर संवाददाता