दिगोविकास

शेयर बजार मापक सूचक नेप्से हालसम्मकै उच्च बिन्दुमा, साढे ११ अर्बकाे काराेबार

काठमाडाैं । मंगलबार शेयर बजार मापक सूचक नेप्से हालसम्मकै उच्च बिन्दुमा पुगेकाे छ । यस दिन नेप्से सूचकले ३१ सय विन्दु माथि पुगेर हालसम्मकै नयाँ उचाइ कायम भएका छ ।

मंगलबार नेप्से ३१११.०९ बिन्दुमा पुगेको छ । यो दिन २ करोड ११ लाख २९ हजार ८८ कित्ता सेयर ११ अर्ब ५२ करोड ९२ लाख १७ हजार ७७४ रुपैयाँमा कारोबार भएको छ ।

यो दिन १४३ कम्पनीको सेयर मूल्य बढ्दा ६९ कम्पनीको सेयर मूल्य घटेको छ भने ११ वटा कम्पनीको सेयर मूल्य स्थिर छ ।

मंगलबार  पाँचथर पावर र रूरू जलविद्युत परियोजनाको शेयरमूल्यमा सकारात्मक सर्किट लागेको छ । जीवन विकास लघुवित्त, युनियन लाइफ इन्स्योरेन्स, घलेम्दी हाइड्रोपावर, लिबर्टी इनर्जी र स्वावलम्बन लघुवित्त गरी पाँच कम्पनीको शेयरमूल्य पनि सकारात्मक सर्किट लेभलमा बढेर कारोबार भएको छ ।

यसदिन युनिलिभर नेपाल लिमिटेड कम्पनीको शेयरमूल्य सबैभन्दा धेरै घटेको छ भने नबिल ब्यालेन्स्ड फण्ड र एनआईबिएल प्रगति फण्डको इकाईमूल्य पनि धेरैले घटेको छ ।

मंगलबार अपि पावर कम्पनीको सबैभन्दा धेरै ४६ करोड ८२ लाख रुपैयाँ बराबरको शेयर कारोबार भएको छ ।

यो दिन विकास बैंक र म्यूचुअल फण्डको उपसमूह बाहेक सबैमा वृद्धि देखिएको छ ।

गाउँ सहर संवाददाता

तपाईँको मत