अर्थतन्त्र

मंगलबार घटेर बन्द भएको नेप्सेले बुधबार पनि घट्याे

• गाउँ सहर संवाददाता
• १८ भदौ बुधबार, २०८२ | १५:३२:०० मा प्रकाशित

काठमाडाैं । अघिल्लो कारोबार दिन अर्थात मंगलबार घटेर बन्द भएको नेप्सेले बुधबार पनि घटेर बन्द भएको छ।

यस दिन नेप्से परिसूचक १५.६४ अंक घटेर २७२६.३३ विन्दुमा झरेको छ। 

नेप्से घटेपनि यस दिन कारोबार रकम भने सामान्य बढेको छ। अघिल्लो कारोबार दिन ४ अर्ब ४३ करोड रुपैयाँको शेयर खरिदबिक्री भएको बजारमा यस दिन ३२६ स्टकको ६८ हजार ५९४ पटकको कारोबारमा ४ अर्ब ७२ करोड ८० लाख ५२ हजार रुपैयाँबराबरको १ करोड १३ लाख ४५ हजार कित्ता शेयर खरिदबिक्री भएको छ।

हिम स्टार उर्जा कम्पनीको शेयर यस दिन पनि सकारात्मक सर्किट लेभलमा कारोबार भएको छ। यस दिन सो कम्पनीको शेयरमूल्य २९ रुपैयाँ ४० पैसा बढेर ३२३ रुपैयाँ ६० पैसामा अन्तिम कारोबार भएको छ। त्यस्तै, यस दिन यूनियन हाइड्रोपावरको शेयरमूल्य ७ प्रतिशत बढेको छ। अन्य स्टकहरुको मूल्य वृद्धिदर भने यस दिन ४ प्रतिशतभन्दा कम रहेको छ। कारोबारमा आएको लिबर्टी इनर्जी कम्पनीको शेयरमूल्य यस दिन सर्वाधिक ६.९९ प्रतिशत घटेको छ।

कारोबार रकमका आधारमा यस दिन यूनियन हाइड्रोपावर शीर्ष स्थानमा रहेको छ। सो कम्पनीको यस दिन ३३ करोड ८० लाख रुपैयाँबराबरको शेयर किनबेच भएको छ। त्यस्तै, यस दिन लिबर्टी इनर्जीको करिब साढे २७ करोड रुपैयाँको शेयर कारोबार भएको छ भने नेपाल पुनर्बीमा कम्पनीको कारोबार रकम २६ करोड नाघेको छ।