गाउँ सहर

सरकारले इजरायलका लागि एक हजार कामदार पठाउन विज्ञापन खुलायाे, कति लाग्छ खर्च (विज्ञापनसहित)

• गाउँ सहर संवाददाता
• १२ श्रावण मंगलबार, २०७८ | ०७:५२:०० मा प्रकाशित

काठमाडौं । लामाे समयकाे प्रतिक्षापछि नेपाल सरकारले इजरायलका लागि एक हजार श्रमिकका लागि आवेदन आह्वान गरेको छ । ‘केयरगिभर’ मा नेपाली श्रमिकहरू पठाउन आवेदन खुला गरेकाे हाे । 

आवेदकले २१ दिन भित्र आवेदन दिन सकिने विभागले जनाएकाे छ । 

इजरायल रोजगारीमा जाँदा लाग्ने हवाई भाडा, बीमा, स्वास्थ्य परीक्षण शुल्क, कल्याणकारी कोषमा जम्मा गर्नुपर्ने रकम तथा श्रम स्वीकृति लिँदा लाग्ने खर्च रोजगारदाताले बेहोर्नुपर्ने सम्झौतामा उल्लेख छ। रोजगारदाताले नबेहोरेको खण्डमा श्रमिक आफैंले बेहोर्नुपर्नेछ। 

साथै कामदारका लागि लाग्ने अनुमानित खर्च एक लाख ६५ हजार ताेकेकाे छ ।