समाज

नेपाल सेफ सोसाइटी युएईले दियो बाढी पीडितलाई राहत

• गाउँ सहर संवाददाता
• १० श्रावण आइतबार, २०७८ | २२:०५:०० मा प्रकाशित

काठमाडौं । मेलम्चीका बाढी पहिरोबाट पीडित सिन्धुपाल्चोक नगरपालिका वडा  नं. १० र ११ का नागरिकलाई नेपाल सेफ सोसाइटी युएईले खाद्यान्न सहयोग गरेको छ ।

साेसाइटीले मेलम्चीमा २० घर परिवारलाई खाद्यान्न सामग्री वितरण गरेको हो ।  प्रतिपरिवारका एक बोरा चामल, दुई लिटर तेल, दुई किलो नुन, दुई किलो चिनी र  मास्क सहित अन्य  खाद्यान्न सामग्रीहरु वितरण गरिएकाे सोसाइटीका सल्लाहकार बसन्त राईले जानकारी दिए ।

मेलम्चीका समाजसेवी, नेपाली कांग्रेसका नेता सागर श्रेष्ठ तथा स्थानीय प्रतिनिधिहरुको सहयोगमा बाढी पीडितहरुलाई सामग्री हस्तान्तरण गरिएको साेसाइटीका महासचिव`अरुण अधिकारीले बताए ।

युएई बस्ने नेपाली सेफहरुले संकलन गरेको रकमले यस्तै प्रभावितलाई केही राहत मिलोस् भन्रे जनभावनाका साथ सो सामग्री वितरण गरेिएकाे अधिकारीले बताए ।

सोसाटीका अध्यक्ष श्याम अमगाई, महासचिब अरुण अधिकारी, कोषाध्यक्ष राजकुमार गिरी लगायतको सक्रियतामा संकलन गरिएकाे रकमबाट सामाग्री खरिद गरिएकाे थियाे ।

उक्त कार्यक्रमको लागि सोही जिल्लाबासी संस्थाका सदस्य शम्भु चौलागाईं तथा समाजसेवी केन्द्रिय कोषाध्यक्ष राजकुमार गिरीको विशेष पहलमा उक्त रकम बिनियोजन गरिएको थियो ।

सोसाइटी युएईले विगत देखि नै विभिन्न प्राकृतिक प्रकोप तथा दैवी  प्रकोपमा परेका पीडितहरुलाई सहयोग लगायत काेभिड (१९) को कारणबाट पीडितहरुलाई समेत  नि:शुल्क रुपमा खाना वितरण जस्ता सहयोग गर्दै आएको छ भने आगामी दिनमा समेत यसकार्यलाई निरन्तरता दिइने अध्यक्ष श्याम अमागाइले बताएका छन् ।