विश्व

हाइटीद्वारा अमेरिका र संयुक्त राष्ट्रसंघसँग सैनिक सहायताका लागि अपील

• एजेन्सी
• २६ असार शनिबार, २०७८ | १३:५४:०० मा प्रकाशित

हाइटीले अमेरिका र संयुक्त राष्ट्रसंघसँग सैनिक सहायताका लागि अपील गरेको छ ।

राष्ट्रपति जोभिनल मोइसको हत्या भएपछि देशका प्रमुख पूर्वाधारहरुको रक्षाका लागि हाइटी सरकारले अमेरिका र संयुक्त राष्ट्रसंघसँग आफ्नो देशमा सैनिक पठाउन आग्रह गरेको हो । अमेरिकाले भने तत्कालका लागि सैनिक सहयोग गर्ने योजना नरहेको बताएको छ ।

राष्ट्रपतिको हत्यापछि हाइटीमा अस्थिर अवस्था सिर्जना भएको छ। अमेरिकाको गरिब देशमा पर्ने हाइटीमा अहिले आपतकालीन अवस्था लागु भएको छ ।

राष्ट्रपति मोइसको जुलाई ७ मा उनकै घरमा हत्या भएको हो ।