स्वास्थ्य

कोरोना संक्रमितमध्ये ५३९ सघनमा र १६६ जनाको भेन्टिलेटरमा उपचार हुँदै, थप २० जनाको मृत्यु

• गाउँ सहर संवाददाता
• २५ असार शुक्रबार, २०७८ | १६:३०:०० मा प्रकाशित

काठमाडौँ । नेपालमा कोरोनाबाट अहिलेसम्म ९ हजार ३४० को मृत्यु भएको छ । यस्तै कुल संक्रमित ६ लाख ५२ हजार ८५९ पुगेका छन् भने निको हुने ६ लाख १६ हजार ९२९ छन् ।

पछिल्लो २४ घण्टामा २० जना कोरोना संक्रमितको मृत्यु भएको छ । 

पछिल्लो २४ घण्टामा ११ हजार ३१३ को परीक्षण हुँदा २ हजार २३९ संक्रमित थपिएका छन् । संक्रमितमध्ये ५३९ सघनमा र १६६ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार ३१६ छ । निको हुनेको प्रतिशत ९४.५ रहेको छ ।

आजसम्म ३४ लाख ३ हजार ४१० जनाको पिसिआर टेस्ट भएको छ भने एन्टिजेन विधिबाट २ लाख २७ हजार २०७ को टेस्ट भएको छ । देशभरका क्वारेन्टाइनमा रहनेको संख्या ३०५ र होम आइसोलेशनमा रहेको संख्या २३ हजार ९२० छ भने संस्थागत आइसोलेशनमा रहेको संख्या २ हजार ६७० छ । देशमा सक्रिय संक्रमितको संख्या २६ हजार ५९० रहेको छ । 

अहिलेसम्म दोस्रो मात्राको खोप प्राप्त गर्नेको संख्या ९ लाख ६४ हजार ५०८ पुगेको मन्त्रालयले जनाएको छ ।