राजनीति

एमाले कार्यदलको बैठक साँझ फेरि बस्ने गरि स्थगित, दुवै पक्ष आ-आफ्नाे समूहमा छलफल गर्दै

 

 

 

 

काठमाडौं । नेकपा एमालेको आन्तरिक विवाद समाधान गर्न गठित कार्यदलको बैठक साँझ सात बजेसम्मका लागि स्थगित भएको छ । 

सिंहरबारमा करिब एक घण्टा छलफल गरेपछि साँझ सात बजेसम्मका लागि बैठक स्थगित भएको कार्यदलका सदस्य सुवास नेम्वाङले जानकारी दिए ।

छलफल सकारात्मक रहेकाे नेम्वाङकाे प्रतिक्रिया छ । 

हिजो साँझ एमाले अध्यक्ष केपी ओली र नेता माधव नेपालबीच छलफल भएको थियो । ओली–नेपाल छलफल अघि बुधबार पनि कार्यदल बैठक बसेको थियो । कार्यदलकोबैठक सोमबारदेखि निरन्तर बसिरहेको छ । 

अहिले संस्थापन पक्षका विष्णु पौडेल, प्रदीप ज्ञवाली र विष्णु रिमाल अहिले प्रधानमन्त्री तथा मन्त्रिपरिषद् कार्यालयमा आन्तरिक छलफलमा जुटेका छन् ।

माधव पक्षका कार्यदल सदस्यहरू वार्तास्थल अर्थमन्त्रालयमा आन्तरिक छलफलमा छन् ।

एमालेको विवाद समाधान गर्न गठित कार्यदलमा अध्यक्ष केपी ओली समूहबाट सुवास नेम्वाङको संयोजकत्वमा विष्णु पौडेल, शंकर पोखरेल, प्रदीप ज्ञवाली र विष्णु रिमाल छन् । यता नेपाल समूहबाट भीम रावलको संयोजकत्वमा, सुरेन्द्र पाण्डे, घनश्याम भुसाल, गोकर्ण विष्ट र रघुजी पन्त छन् ।

गाउँ सहर संवाददाता