अर्थतन्त्र

शेयरबजार परिसूचक दोहोरो अंकले घट्याे, लगानीकर्ता सुस्ताउँदा कारोबार पनि साढे ४ अर्बमा सीमित

काठमाडौं । नेपाल स्टक एक्सचेञ्ज (नेप्से)मा आज (बुधबार) पनि दोहोरो अंकको घटेकाे छ । लगातार घटिरहेको सेयर बजार नेप्से परिसूचक १६.९७ अंकले घटेर २८०१.१३ अंकमा सीमित भएको छ ।

यो दिन १ करोड १६ लाख ६४ हजार २०७ कित्ता सेयर ४ अर्ब ५८ करोड ५८ लाख ६१ हजार ९७६ रुपैयाँमा कारोबार भएको छ । यो दिन ६६ वटा कम्पनीको सेयर मूल्य बढ्दा १३५ वटा कम्पनीको सेयर मूल्यमा गिरावट देखिएको छ । त्यसैगरी २० वटा कम्पनीको सेयर मूल्य स्थिर छ ।

उपसमूहतर्फ विकास बैंक र माइक्रोफाइनान्सबाहेकका अन्य उपसमूहमा गिरावट देखिएको छ ।

यो दिनको कारोबारमा सबैभन्दा बढी कमाउने शीर्ष सिभिल लघुवित्त, सामूदायिक लघुवित्त, साधना लघुवित्त, इभरेष्ट इन्स्योरेन्सलगायतका कम्पनी छन् ।

त्यसैगरी सबैभन्दा बढी गुमाउने शीर्ष कम्पनीमा माथिल्लो तामाकोसी, युनाइटेड इदी मर्दी, राधी विद्युत्, शिव श्री हाइड्रोपावर, घलेम्दी हाइड्रो लिमिटेडलगायक कम्पनी छन् ।

यस्तै, कारोबारको आधारमा आज सबैभन्दा बढी छिमेकी लघुवित्त विकास बैंकको भएको छ । यस कम्पनीको आज ४३ करोड भन्दा बढीको कारोबार भएको छ ।    

पछिल्ला दिनहरुमा लगानीकर्ता समेत अन्योलमै देखिन्छन् । अहिले धेरै लगानीकर्ताहरु 'पर्ख र हेर' को अवस्थामा रहेका छन् जसले गर्दा कारोबार रकम समेत खासै बढ्न सकेको छैन ।

गाउँ सहर संवाददाता