पेट्रोलियम पदार्थमा गरेकाे मूल्य वृद्धि फिर्ता लिन नेविसंघको माग
- गाउँ सहर संवाददाता
- २३ असार बुधबार, २०७८ | ०८:३७:०० मा प्रकाशित
काठमाडौं । नेपाल विद्यार्थी संघ (नेविसंघ) ले पेट्रोलियम पदार्थको मूल्य वृद्धिप्रति विरोध जनाएको छ । पटकपटक मुल्यवृद्धि जनताले धान्नै नसक्ने भन्दै नेविसंघका महामन्त्री बलदेव तिमल्सिनाले यसको विरोध गरेका हुन् ।
उनले अत्यावश्यकिय उपभोग्य वस्तुमा मुल्यवृद्धिको कारण चौतर्फी महंगी बढ्ने र कोरोना संक्रमणको महामारीबाट ग्रस्त जनताले थप सास्ती खेप्नुपर्ने बताए । तत्काल मुल्यवूद्धि फिर्ता नगरे ठाउँठाउँबाट प्रतिरोध गर्ने चेतावनीसमेत उनले दिए ।
असार ९ गतेमात्र निगमले पेट्रोल र डिजेलको मूल्य बढाएको थियो । निगमले मंगलवार रातिबाट लागू हुनेगरि मूल्य समायोजन गरेको हो ।
निगमले पेट्रोल, डिजेल र मट्टीतेलमा प्रतिलिटर दुई रुपैयाँ मूल्य बढाएको हो । आन्तरिक तर्फको हवाइ उडानमा पनि निगमले दुई रुपैयाँले बृद्धि गरेको छ ।
समायोजित मूल्य अनुसार पेट्रोल अब प्रतिलिटर १२९, डिजेल ११२ र आन्तरिक तर्फको हवाइ इन्धनको मूल्य अब ८४ रुपैयाँ पुगेको छ । यस्तै निगमले अन्तर्राष्ट्रिय उडान तर्फको हवाइ इन्धनमा प्रति किलोलिटर १९ अमेरिकी डलरले बृद्धि गरेको छ । नयाँ मूल्य अब ७५४ प्रति किलोलिटर कायम भएको छ ।
मूल्य समायोजनपछि पनि पेट्रोलमा ७ रुपैयाँ ४५ पैसा, डिजेलमा ४ रुपैयाँ ३५ पैसा र एलपी ग्याँसमा प्रति सिलिन्डर ३१९ रुपैयाँ ३२ पैसा घाटा रहेको निगमले जनाएको छ ।
यसअघि भएको मूल्य समायोजनपछि पेट्रोल १२७ रुपैयाँ र डिजेल ११० रुपैयाँ कायम थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस