अर्थतन्त्र

नेप्से परिसूचक २ हजार ८२३ विन्दुमा, ४ दशमलव १३ अंकले घट्याे

काठमाडौँ । साताको चौथो कारोबार दिन बुधवार नेप्से परिसूचक शून्य दशमलव १५ प्रतिशत अर्थात् ४ दशमलव १३ अंकले घटेको छ ।

यस दिन नेप्से परिसूचक २ हजार ८२३ विन्दुमा बन्द भएको हो । उता, सेन्सेटिभ इन्डेक्स शून्य दशमलव २५ प्रतिशत अर्थात् १ दशमलव ३२ अंक घटेर ५२२ दशमलव ३७ विन्दुमा झरेको छ ।

सामान्य अंकले घटको बजारमा वित्त समूहका लगानीकर्ताहरुले सर्वाधिक कमाएका छन् । यो दिन वित्त समूहको परिसूचक सर्वाधिक ५ दशमलव ८१ प्रतिशत बढेको हो ।

त्यस्तै विकास बैंकको परिसूचक पनि यो दिन ३ दशमलव ३७ प्रतिशत बढेको छ भने जलविद्युतको शून्य दशमलव १ प्रतिशत, निर्जीवन बीमाको शून्य दशमलव शून्य ४ प्रतिशत, उत्पादन तथा प्रशोधनको शून्य दशमलव ९७ प्रतिशत र अन्यको शून्य दशमलव ८६ प्रतिशत परिसूचक बढेको छ ।

बुधवार कारोबार रकममा पनि कमि आएको छ । यस दिन २२० ओटा कम्पनीको ६८ हजार १९२ पटकको व्यापारमा रू. ५ अर्ब ८३ करोड ८५ लाख ५१ हजार बराबरको १ करोड ६२ लाख ४८ हजार १०० कित्ता शेयर कारोबार भएको हो । कुुल कारोबार रकममा सर्वाधिक हिस्सा नेपाल इन्स्योरेन्सले ओगटेको छ । उक्त कम्पनीको रू. ३० करोड ४२ लाख ५८ हजार बराबरको शेयर कारोबार भएको हो ।

सर्वाधिक रकमको कारोबार भएको कम्पनीको शेयरमूल्य पनि ३ दशमलव ३३ प्रतिशत बढेर अन्तिम मूल्य रू. १ हजार १८० कायम भएको छ । कम्पनीको शेयरमूल्य प्रतिकित्ता रू. ३८ ले बढेको हो ।

गाउँ सहर संवाददाता

तपाईँको मत