अर्थतन्त्र

मंगलबार नेप्से राताम्मे, काराेबार रकम पनि ६ अर्बमा सीमित

• गाउँ सहर संवाददाता
• १५ असार मंगलबार, २०७८ | १६:५१:०० मा प्रकाशित

काठमाडौं । साेमाबार सामान्य अंकले बढेकाे शेयरबजार मंगलबार (आज)  ४७ अंकले घटेकाे छ । यस दिन नेप्से परिसूचक ४७.५० अंकले घटेर २८२८ विन्दुमा सीमित भएको छ ।

यस दिन कारोबार रकममा पनि कमी आएको छ। अघिल्ले दिन ७ अर्बभन्दा धेरैको शेयर कारोबार भएकोमा मंगलबार कारोबार रकम ७ अर्बभन्दा कम छ ।

यो दिन १ करोड ४० लाख ४४ हजार ३८१ कित्ता सेयर ६ अर्ब ७२ करोड ६३ लाख ६१ हजार ८६९ रुपैयाँमा कारोबार भएको छ ।

काराेबार भएका ४६ वटा कम्पनीको सेयर मूल्य बढ्दा १६७ वटा कम्पनीको सेयर मूल्य घटेको छ । साथै १० वटा कम्पनीको सेयर मूल्य स्थिर छ ।

सबैभन्दा बढी कमाउने शीर्ष कम्पनीमा ओरियन्टल होटल, गुँरास लघुवित्त, सामूदायिक लघुवित्त, तारागाउँ रिजेन्सी होटल, सिभिल लघुवित्त र निर्धान उत्थान लघुवित्तलगायतका कम्पनी छन् ।

त्यसैगरी सबैभन्दा बढी गुमाउने कम्पनीमा प्रोग्रेसिभ फाइनान्स, एचआइडीसीएल, बेस्ट फाइनान्स, श्री इन्भेष्टमेन्ट, सेन्ट्रल फाइनान्सलगायतका कम्पनी छन् ।

राधि विद्युतको सबैभन्दा धेरै ४९ करोड ८२ लाख रुपैयाँ बराबरको शेयर कारोबार भएको छ