स्वास्थ्य

उपत्यकामा पछिल्लो २४ घण्टामा ३३७ जनामा कोरोना संक्रमण पुष्टि

• गाउँ सहर संवाददाता
• ५ असार शनिबार, २०७८ | १७:०५:०० मा प्रकाशित

काठमाडौं । काठमाडौं उपत्यकामा पछिल्लो २४ घण्टामा ३३७ जनामा कोरोना संक्रमण पुष्टि भएको छ ।

पछिल्लो २४ घण्टामा ११ हजार ६९६ वटा स्वाब नमुनाको परीक्षण गर्दा देशभर दुई हजार ४०१ जनामा संक्रमण देखिएको थियो । त्यसमध्ये काठमाडौं उपत्यकामा मात्रै ३३७ संक्रमित थपिएका हुन् ।

पछिल्लो २४ घण्टामा थपिएका संक्रमितमा काठमाडौंमा मात्रै २०१ जना छन् । यस्तै, ललितपुरमा ९२ र भक्तपुरमा ४४ संक्रमित थपिएका हुन् । पछिल्ला दिनमा उपत्यकामा दैनिक थपिने संक्रमितको संख्यामा कमी देखिएको छ ।

देशमा पछिल्लो २४ घण्टामा कोरोनाका कारण देशभर ३४ जनाको मृत्यु पुष्टि भएको छ । यस्तै, पछिल्लो २४ घण्टामा तीन हजार ६६० जना निको भएका स्वास्थ्य तथा जनसंख्या मन्त्रालयले शनिबार जनाएको छ ।