अर्थतन्त्र

सिटिजन लाइफ इन्स्योरेन्सले ल्यायाे अनलाइनमार्फत् बीमा दाबी गर्न सकिने सुविधा

 काठमाडाैं  । अब सिटिजन्स लाइफ इन्स्योरेन्सका बीमितले अनलाइन मार्फत भुक्तानीका लागि दाबी गर्न सक्ने भएका छन् ।

काठमाडाैं । सिटिजन्स लाइफ इन्स्योरेन्सका बीमितले अनलाइन मार्फत भुक्तानीका लागि दाबी गर्न सक्ने भएका छन् ।

कोरोना भाइरसका कारण उत्पन्न बिषम परिस्थितिमा सेवाग्राहीको सुरक्षा र सेवालाई ध्यानमा राख्दै कम्पनीले ‘डिजिटल सिटिजन’ अभियान अन्तर्गत अनलाइन बीमा दाबी सेवा शुरु गरेसँगै बीमितले उक्त सेवा पाउने भएका हुन् ।

यस सुविधामार्फत् अबदेखि सेवाग्राही/बीमितले बीमा दावी गर्नको लागी कम्पनीको कार्यालयमा गइराख्नु पर्दैन । इन्टरनेट सेवा उपलब्ध भएको जुनसुकै ठाउँबाट पनि बीमा दावी प्रकृया पुरा गर्न सकिन्छ ।

सेवाग्राही र बीमितले बीमा दावी गर्नको लागी कम्पनीको कार्यालयमा गइराख्नु पर्दैन । इन्टरनेट सेवा उपलब्ध भएको जुनसुकै ठाउँबाट पनि बीमा दावी प्रकृया पुरा गर्न सक्नेछन् ।

कम्पनीको वेबसाईटमा रहेको अभिकर्ताको पोर्टल खोली अनलाईनबाट दाबी सम्वन्धि आवश्यक कागज पत्र अपलोड गरी सजिलै दाबी प्रकृया अगाडि बढाउन सक्नेछन् ।

सबै कुरा अटोमेटिक सिस्टममा अद्यावधिक हुने हुनाले यो सेवाले समयको बचत हुनुका साथै दाबीसँग सम्बन्धित विवरण पेश गर्ने प्रकृया चाँडो हुने र जसले गर्दा बीमा दाबी भुक्तानी कार्य सहज हुने विश्वास कम्पनीले लिएको छ ।

डिजिटल अभियान अन्तर्गत कम्पनीले आगामी दिनहरुमा पनि अरु थुप्रै आधुनिक तथा नवीनतम डिजिटल सेवाहरु प्रचलनमा ल्याउने योजना रहेको कम्पनीका प्रमुख कार्यकारी अधिकृत पोषक राज पौडेलले जानकारी दिए ।

कम्पनीले ग्राहक तथा अभिकर्ताले कम्पनीसँगको कारोवार तथा विवरण आफैले हेर्न मिल्ने पोर्टलसमेत प्रचलनमा ल्याएको छ ।

कम्पनीले ग्राहकहरुको सुविधालाई मध्यनजर गरी घरमै बसेर बीमाशुल्क तिर्न सकिने व्यवस्थाको लागि इ-सेवा, फोन पे, कनेक्ट आइपीएसलगायतका डिजिटल बैकिङ सुविधा र कम्पनीको बैंक खाताहरु उपलव्ध गराउँदै आएको छ ।

स्मरण रहाेस् सिटिजन लाइफ इन्स्याेरेन्सले चाँडै नै ७५ कराेड बराबरकाे आइपिओ जारी गर्न लागेकाे छ । कम्पनीले मुलुकभरका १२५ शाखामार्फत सेवा प्रदान गर्दै आएकाे छ ।

गाउँ सहर संवाददाता

तपाईँको मत