अर्थतन्त्र

आइतबार सुन र चाँदी दुबैको भाउ बढ्याे

• गाउँ सहर संवाददाता
• १६ जेठ आइतबार, २०७८ | ११:५८:०० मा प्रकाशित

काठमाडाैं । आइतबार सुन र चाँदी दुबैको भाउ बढेको छ । यस दिन सुनको भाउ तोलामा २०० रुपैयाँले बढेको छ भने चाँदीको भाउ पनि तोलामा ५ रुपैयाँले बढेको छ ।

सुनचाँदी व्यवसायी महासँघको अनुसार आइतबार छापावाला सुन प्रतितोला ९४ हजार रुपैयाँ र तेजाबी सुन प्रतितोला ९३ हजार ५०० रुपैयाँमा खरिद बिक्री भइरहेको छ।

अघिल्लो दिन छापावाला सुन प्रतितोला ९३ हजार ८०० र तेजाबी सुन प्रतितोला ९३ हजार ३०० रुपैयाँमा खरिद बिक्री भएको थियो ।

यस्तै चाँदी पनि तोलामा ५ रुपैयाँले बढेर १ हजार ३५५ रुपैयाँमा खरिद बिक्री भइरहेको छ । अघिल्लो दिन चाँदी प्रतितोला १ हजार ३५० रुपैयाँमा खरिद बिक्री भएको थियो ।