अर्थतन्त्र

नेप्से हालसम्मकै उच्च विन्दुमा, क-कसले कमाए ?

• गाउँ सहर संवाददाता
• ३ जेठ सोमबार, २०७८ | १५:२०:०० मा प्रकाशित

काठमाडाैं । साताको दोस्रो कारोबार दिन सोमबार नेपाल स्टक एक्सचेन्ज (नेप्से) परिसूचक दाेहाेराे अंकले बढेकाे छ । 

आइतबार उच्च अंकले बढेको नेप्सेमा आज पनि २०.७१ अंकले बढेर २७५९.२२ विन्दुमा पुगेको छ । 

यसदिन कुल १ करोड ९० लाख ५६ हजार २३६ कित्ता सेयर ९ अर्ब ५७ करोड ६३ लाख ६१ हजार १३९ रुपैयाँमा कारोबार भएको छ ।

आज कूल ९ अर्ब ५७ करोड ६३ लाख ६१ हजार रुपैयाँ बराबरको सेयर कारोबार भएको छ । २१८ वटा कम्पनीका एक करोड ९० लाख ५६ हजार २३६ कित्ता सेयर एक लाख एक हजार ९१८ पटक खरिद-बिक्री भए ।

यो दिन १३१ वटा कम्पनीको सेयर मूल्य बढ्दा ६९ वटा कम्पनीको सेयर मूल्य घटेको छ । साथै १८ वटा कम्पनीको सेयर मूल्य घटेको छ ।

सोमबारको कारोबारमा रुरु जलविद्युत् परियोजनाको सेयर मूल्यमा १० प्रतिशतको सकारात्मक सर्किट लागेको छ । त्यसैगरी समता घरेलु, राधी विद्युत् कम्पनी, कर्पोरेट डेभलपमेन्टत बैंक, प्रोग्रेसिभ फाइनान्स, गुँरास लघुवित्त वित्तीय संस्था, बरुण हाइड्रोपावर, पञ्चकन्या माइ हाइड्रो, नेपाल फाइनान्स, रिडी हाइड्रोपावर डेभलपमेन्ट, खानीखोल हाइड्रोपावर कम्पनीको सेयर मूल्य ९.५७ प्रतिशतभन्दा बढीले बढेको छ ।

त्यसका साथै विशाल बजार कम्पनी, श्री इन्भेस्टमेन्ट फाइनान्स र ज्योति विकास बैंकको सेयर मूल्यमा गिरावट देखिएको छ ।

आज नेपाल पुनर्बिमा कम्पनीको सेयर सबैभन्दा धेरै ६६ करोड एक लाख ८१ हजार रुपैयाँ बराबरको कारोबार भएको छ । सङ्ख्यात्मक आधारमा अरुण काबेली पावर लिमिटेडका छ लाख ६८ हजार २२७ कित्ता सेयर किनबेच भएका भए ।