स्वास्थ्य

८३२ जना आइसियूमा, २६७ काे भेन्टिलेटरमा उपचार हुँदै, यस्ताे छ काेराेना कहरकाे पछिल्लाे दृश्य (पूर्ण विवरणसहित्)

• गाउँ सहर संवाददाता
• २६ बैशाख आइतबार, २०७८ | १८:४०:०० मा प्रकाशित

काठमाडौँ । कोरोनाभाइरसका कारण नेपालमा पछिल्लो २४ घण्टामा ८८ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसिआर जाँचबाट ८ हजार ७७७ नयाँ संक्रमित थपिएका छन् भने ७३ जना एन्टिजेन विधिबाट पुष्टि भएका छन् । दुबै विधिबाट १८ हजार ७८७ परीक्षण गरिएकोमा कुल ८ हजार ८५० नयाँ संक्रमित थपिएका छन् ।

पछिल्लो २४ घण्टामा ४ हजार २२ जना निको भएका छन् । मन्त्रालयका अनुसार निको हुनेको प्रतिशत ७६.७ रहेको छ ।

मन्त्रालयका अनुसार अहिले देशभरमा ८८ हजार १६० सक्रिय संक्रमित रहेका छन् । आज ४१९ जना क्वारेन्टाइनमा रहेको उसले बताएको छ ।

मन्त्रालयका अनुसार अहिले देशभरका अस्पतालहरूमा ८३२ जनाकाे आइसियूमा र २६७ जनाकाे भेन्टिलेटरमा उपचार भइरहेकाे छ ।

पूर्ण विवरण