अर्थतन्त्र

निषेधाज्ञाको पहिलो दिन सेयर बजार लगानीकार्ताकाे पक्षमा

• गाउँ सहर संवाददाता
• १६ बैशाख बिहीबार, २०७८ | १५:४४:०० मा प्रकाशित

काठमाडाैं । निषेधाज्ञाको पहिलो दिन सेयर बजार लगानीकार्ताकाे पक्षमा देखिएकाे छ । साताको अन्तिम कारोबार दिन नेप्सेका अधिकांश उपसूचकहरु हरियो भएर बन्द भएका छन् ।

यसदिन नेप्से परिसूचक २५.८२ अंकले बढेर २६११.१० अंकमा पुगेको छ । १५६ कम्पनीको सेयर मूल्य बढ्दा ४३ वटा कम्पनीको सेयर मूल्य घटेको छ । त्यसैगरी १८ वटा कम्पनीको सेयर मूल्य स्थिर छ । यो दिन ९८ लाख १८ हजार ४६ कित्ता सेयर ४ अर्ब ३५ करोड ७० लाख १९ हजार २४८.६८ रुपैयाँमा कारोबार भएको छ । कारोबारमा आएका १३ उपसमूहका सूचकहरुमध्ये यस दिन ११ उपसमूहका सूचकहरु बढेर बन्द भएका छन् ।

यस दिन कारोबारमा आएको सिंगटी हाइड्रो, महिला लघुवित्त र विशालबजार कम्पनीको शेयर सकारात्मक सर्किट लेभलमा कारोबार भएको छ भने श्री इन्भेष्टमेन्ट एण्ड फाइनान्स कम्पनीको मूल्य सबैभन्दा धेरै २.८२ प्रतिशत घटेको छ । 

कारोबारमा आएको नारायणी विकास बैंकको यस दिन सर्वाधिक कारोबार भएको छ। सो कम्पनीको यस दिन ३० करोड रुपैयाँभन्दा बढीको शेयर खरिदबिक्री भएको छ।