स्वास्थ्य

कोरोनाबाट थप १२ जनाको मृत्यु, ३ हजार ५५६ संक्रमित थपिए

• गाउँ सहर संवाददाता
• १३ बैशाख सोमबार, २०७८ | १७:२२:०० मा प्रकाशित

काठमाडौँ । नेपालमा पछिल्लो २४ घण्टामा कोरोनाका कारण ज्यान गुमाउनेको संख्या १२ रहेको छ । योसहित कुल मृतकको संख्या ३ हजार १७६ पुगेको छ । 

पछिल्लो २४ घण्टामा ३ हजार ५५६ जना नयाँ संक्रमित थपिएका छन् । योसहित कुल संक्रमितको संख्या ३ लाख ३ हजार ५६१ पुगेको छ । यस्तै पछिल्लो २४ घण्टामा निको हुनेको संख्या ३७८ छ । योसहित कुल स्वास्थ्य लाभ गर्नेको संख्या २ लाख ७७ हजार ९५१ पुगेको छ । 

मन्त्रालयका अनुसार अहिले देशमा सक्रिय केश २२ हजार ४३४ रहेको छ । यस्तै क्वारेन्टाइनमा रहनेको संख्या ६५ छ । 

देशका विभिन्न अस्पतालमा २६८ जना आइसियू र ७८ जनाको भेन्टिलेटरमा उपचार भइरहेको छ ।

देशमा १ हजार १७१ आइसियू र ४८३ भेन्टिलेटर मात्र छन् । 

पछिल्लो २४ घण्टामा १२ हजार ४०० पिसिआर विधिबाट र ८९३ को एन्टिजेन विधिबाट कोरोना टेस्ट भएको छ । 

छिमेकी राष्ट्रहरुमा संक्रमण बढेसँगै मन्त्रालयले सावधानी अपनाउन आग्रह गरेको छ । सीमा नाकामा कडाईसँगै चेकजाँच समेत बढाइएको छ । पछिल्लो समय देशमा संक्रमितको दर बढ्दो छ । धेरै स्थानमा लकडाउनसमेत गरिएको छ ।

सरकारले कोभिडको जोखिमलाई मध्येनजर गर्दै कोरोना प्रवाहित १४ जिल्लाका सहरी इलाकाका स्कूल,कलेज भौतिक रुपमा बन्द गरेको छ । त्रिविले संचालन गरिरहेकाे परीक्षापनि राेकेकाे छ ।