स्वास्थ्य

काेराेनाका कारण नेपालमा मृत्यु हुनेकाे संख्या बढ्याे, मंगलबार थप ५ जनाकाे मृत्यु, थपिए ५१७ नयाँ संक्रमित

• गाउँ सहर संवाददाता
• ३१ चैत मंगलबार, २०७७ | १६:४१:०० मा प्रकाशित

काठमाडौँ । पछिल्लो २४ घण्टामा नेपालमा ५ जना कोरोना संक्रमितको मृत्यु भएको छ । योसहित कुल मृतकको संख्या ३ हजार ५८ पुगेको छ । 

नयाँ संक्रमित ५१७ (पिसिआर र एन्टिजेन परीक्षण) जना थपिएका छन् । थपिएकासहित कुल संक्रमितको संख्या २ लाख ८० हजार ९८४ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा स्वास्थ्य लाभ गर्नेको संख्या १५३ छ । योसहित कुल स्वास्थ्य लाभ गर्नेको संख्या २ लाख ८३ हजार३१८ पुगेको छ ।

मन्त्रालयका अनुसार आजसम्म २३ लाख २१ हजार ६७० जनाको पिसिआर टेस्ट भएको छ । पछिल्लो २४ घण्टामा मात्र ५ हजार २०३ काे (पिसिआर र एन्टिजेन परीक्षण) परीक्षण भएकाे छ । अहिले देशभरका आइसोलेशनमा ३ हजार ६०८ र क्वारेन्टाइनमा रहनेको संख्या ८५ छ ।

छिमेक राष्ट्रहरुमा संक्रमण बढेसँगै मन्त्रालयले सावधानी अपनाउन आग्रह गरेको छ । सीमा नाकामा कडाईसँगै चेकजाँच समेत बढाइएको छ । पछिल्लो समय देशमा संक्रमितको दर बढ्दो छ ।

मन्त्रालयकाे नयाँ वर्षकाे सन्देश