स्वास्थ्य

स्वस्थ रहनका लागि शारिरिक ब्यायाम अपरिहार्य - मेयर जिसी

लेखनाथ । पोखरा महानगरपालिकाका प्रमुख मान बहादुर जिसीले स्वस्थ रहनका लागि शारिरिक ब्यायाम अपरिहार्य भएकामा जोड दिएका छन् । पोखरा महानगरपालिका वडा नं २६ को अर्घौमा संचालनमा आएको लेखनाथ प्रोटिन एण्ड स्टोरको बिहिवार एक कार्यक्रमका बिच उद्घाटन गर्दै उनले यस्तो बताएका हुन् ।

शरीरलाई स्वच्छ र तन्दरूस्त राख्नका लागि ब्यायाम अति आवश्यक भएकाले त्यसका लागि आवश्यक पर्ने प्रोटिन जन्य खाद्यवस्तु तथा ब्यायामका लागि प्रयोग हुने सामग्रीको स्टोर संचालनमा आउनु खुशीको कुरा भएको उनले बताए ।

पोखरा महानगरपालिकाका प्रमुख मान बहादुर जिसी र तेस्रो बल्स मेन विजेता मिलन सिजापतीले सयुक्त रुपमा प्रोटिन एण्ड स्टोरकोे उद्घाटन गरेका थिए ।

कार्यक्रममा बोल्दै प्रमुख जिसीले स्वच्थ रहनका लागि शारिरिक ब्यायाम अपरिहार्य भएको बताउँदै नागरिकलाई कसरी निरोगी बनाउन सकिन्छ भन्ने बारेमा आफूहरु तयार रहेको जानकारी गराएका थिए ।

लेखनाथ प्रोटिन एण्ड स्टोरका संचालक रमेश विश्वकर्माको अध्यक्षतामा भएको कार्यक्रमको संचालन प्रज्वल भित्रकोटीले गरेका थिए । करीव २५ लाखको लागतमा संचालनमा आएको स्टोरमा खेलाडीहरुका लागि आवश्यक पर्ने प्रोटिन जन्य खाद्य सामग्री,खेलाडीका लागि आवश्यक पर्ने पोशाक र जिमका लागि प्रयोग हुने खेलकुदका सामाग्रीहरु उपलब्ध हुने बताईएको छ ।

गाउँ सहर संवाददाता