राजनीति

“छुलिया ग्याङको कुप्रचारको भ्रममा नपर्नुहोला भेला तोकिएको समय र स्थानमा हुनेछ” : भट्टराई

• गाउँ सहर संवाददाता
• ४ चैत बुधबार, २०७७ | ०८:२०:०० मा प्रकाशित

काठमाडौं । नेकपा एमालेका नेता माधवकुमार नेपाल र झलनाथ खनाल समूहले आज राष्ट्रिय कार्यकर्ता भेला बोलाएकाे छ । महासचिव ईश्वर पोखरेलले गुटगत भेला नगर्न नेता कार्यकर्तालाई निर्देशन दिएका छन् । 

मंगलबार बालुवाटारमा आयोजित चियापान कार्यक्रममा प्रधानमन्त्री ओलीलेपार्टीमा बसेर अबउपरान्त अराजकता, अनुशासनहीनता जस्ता कुराहरु, विधि विधानविपरीतका कुराहरु, पार्टीको एकता विरोधी क्रियाकलापहरुमा छुट नहुने बताएका थिए । पार्टीमा अनुशासनहीन काम गर्नेलाई पार्टीको विधान र दलसम्बन्धी कानुन प्रयोग गरेर कारबाही गर्ने संकेत पनि ओलीले गरेका थिए ।

तर बुधबार नेता योगेश भट्टराईले छुलिया ग्याङको भ्रममा नपर्न आग्रह गरेका छन् ।

उनले केपी ओली समूहलाई लक्षित गर्दै सामाजिक सञ्जालमार्फत भनेका छन्, “छुलिया ग्याङको कुप्रचारको भ्रममा नपर्नुहोला । नेकपा एमालेको आज र भोलिको राष्ट्रिय भेला तोकिएको समय र स्थानमा हुनेछ ।”