राजनीति

नेकपा एमाले र जनता समाजवादीबीच सत्ता सहकार्यका लागि कार्यदल गठन

• गाउँ सहर संवाददाता
• २५ फाल्गुण मंगलबार, २०७७ | १७:५३:०० मा प्रकाशित

काठमाडाैं । नेकपा (एमाले) र जनता समाजवादी पार्टीले संयुक्त कार्यदल बनाएका छन् ।

जसपाको तर्फबाट कार्यदलमा सर्वेन्द्रनाथ शुक्ल र सांसद लक्ष्मणलाल कर्ण छन् ।

एमालेबाट विष्णु पौडेल र सुवासचन्द्र नेम्वाङलगायत नेता छन् ।

समाजवादी पार्टी र राजपाबीच एकीकरण गरेर जसपा बनेको हो । तर यी दुई दलको संसदीय दलका नेता फरक-फरक छन् । 

केपी शर्मा ओलीलाई बहुमत पुर्‍याउन जसपाले साथ दिए पुग्ने देखिन्छ । एमालेबाट प्रतिनिधि सभामा १२० सांसद छन् ।

सरकार बनाउन १३८ जना सांसद चाहिन्छ ।  प्रतिनिधि सभामा जसपाका ३४ सांसद छन् त्यसमध्ये दुई जना निलम्बनमा छन् । 

सर्वोच्च अदालतले नेकपा एमाले र नेकपा माओवादी केन्द्रबीचको एकीकरणलाई मान्यता नदिएपछि अब संसदमा दुबै दल पूर्व दलको हैसियतमै क्रियाशील हुने भएका छन् ।

त्यसैले वर्तमान केपी शर्मा ओली नेतृत्वको सरकार कायम राख्न एमालेले अर्को दलको साथ लिनुपर्नेछ ।