गाउँ सहर

सांसदहरूले प्रतिनिधिसभा विघटन र पुन:स्थापनाबीचको साढे तीन करोड रूपैयाँ तलब पाउने

काठमाडौं । प्रतिनिधसभाका सांसदहरूले विघटन र पुन:स्थापनाबीचको समयावधिकाे पनि तलब पाउने भएका छन् । प्रधानमन्त्री केपी शर्मा ओलीले पुस ५ गते प्रतिनिधिसभा भंग गरेका थिए तर सर्वोच्च अदालत उक्त कदम असंवैधानिक भन्दै फागुन ११ पुनःस्थापना गरिदिएको छ ।

प्रतिनिधिसभा भंग भएसँगै राेकिएकाे २७५ जना सांसदहरूकाे तलब सुविधा बापत पुस र माघ महिनाको ३ करोड ५७ लाख ५० हजार रूपैयाँ र फागुन महिनाको १ करोड ७८ लाख ७५ हजार रूपैयाँ गरी ५ करोड ३६ लाख २५ हजार रूपैयाँ एकैपटक पाउने भएका छन् । 

प्रत्येक सांसदले तलब-भत्ता गरी मासिक करिव ६५ हजार रूपैयाँ बुझ्ने गरेका छन् । यो हिसावले मासिक झण्डै एक करोड ८० लाख रूपैयाँ प्रतिनिधिसभाका सांसदको तलबभत्तामा खर्च हुन्छ ।

गाउँ सहर संवाददाता