कला

फिल्म ‘बनवास’ मा छोरीलाई हिरोइन बनाउँदै करिश्मा

• गाउँ सहर डेस्क
• २० माघ मंगलबार, २०७७ | १२:०७:०० मा प्रकाशित

काठमाडौँ ।  फिल्म ‘बनवास’ मा अभिनेत्री करिश्मा मानन्धरले छोरीलाई हिरोइन बनाउने भएकी छन्र । करिश्माले फिल्म ‘बनवास’ निर्माण गर्ने भएकी छन् । सामाजिक संजाल फेसबुक मार्फत उनले फिल्मको घोषणा गरेकी हुन् ।

फिल्ममा उनकी छोरी कविता र अभिनेता सरोज खनालको मुख्य भूमिका रहने छ । बाबुछोरीको सम्बन्धको विषयमा आफूले फिल्म ‘बनबास’ बनाउन लागेको करिश्माले बताएकी छन् । ‘केही अगाडिदेखि यो फिल्मको तयारीमा थिएँ’ मानन्धरले भनिन् ‘अहिले आएर घोषणा गरेकी हुँ ।’ फेसबुकमा करिश्माले फिल्मको थिम पोस्टर समेत सार्वजनिक गरेकी छन् ।

उनका अनुसार फिल्म सुशील क्षेत्रीले निर्देशन गर्दैछन् । छायाँकार समेत रहेका क्षेत्रीले नै यसको कथा तयार पारेका हुन् । 

असार साउनमा छायाँकनमा जाने गरेर तयारी भइरहेको फिल्मको अन्य जानकारी एक कार्यक्रम सहित दिने करिश्माले जनाएकी छन् ।