गाउँ सहर

भोरले शुरूवात गरेको प्याकेजमा परोपकारी युवा संजालको सहयोग

• गाउँ सहर संवाददाता
• २४ बैशाख बुधबार, २०७७ | २१:३१:०० मा प्रकाशित

काठमाडाैं । सामाजिक सेवाभावको पवित्र उद्देश्यसहित 'बोलेर हाेइन गरेर देखाउँ' भन्ने नारालाई आत्मसात गर्दै कोरोनाको विश्वव्यापी महामारीको कारण संक्रमण फैलिन नदिन राज्यद्वारा गरिएको लकडाउनको कारणले विपन्न श्रमिक, अति विपन्न, दलित, अभावमा रहेका तथा पहुँच नभएका परिवारहरुलाई खाद्यान्न जोहो गरि चुल्हाे बाल्न नै समस्या परिरहेकाहरूलाई परोपकारी युवा संजाल नेपालले खाद्यान्न सहयाेग गरेकाे छ । 

गर्भवती महिला, सुत्केरी महिला, स्तनपान गराउने आमालाई हेटौंडा उप-महानगरपालिका वड नं ६ मा २२ परिवारलाई बुधबार विशेष पोषण प्याकेज उपलब्ध गराएको संजालका सदस्य रमेश सापकोटाले बताए ।

उक्त प्याकेजमा पालिस नगरेको बासमती चामल ५ केजी, अण्डा ३० वटा, गेडागुडी तथा क्वाँटी २ केजी, तोरीको तेल आधा लिटर, हरियो तरकारी तथा सागपात, ५ किलो फलफुल, ज्वानो जस्ता खाद्य सामाग्री वितरण गरिएका थियाे ।

उक्त कार्यक्रममा वडा अध्यक्ष अर्जुन चौलागाईं, संचारकर्मी स्थानीय समाजसेवी लगायत शंकर खत्री, भोरको संस्थापक अध्यक्ष राजकुमार महतो लगायतको उपस्थिति रहेकाे थियो ।