गाउँ सहर

उखु किसान पैसा नपाएर जुलुस गर्नुपर्ने, पैसा नतिर्ने साहुहरू सरकारको न्यानो माया पाउने ?

• गाउँ सहर संवाददाता
• २९ मङ्सिर सोमबार, २०७७ | २०:०५:०० मा प्रकाशित

काठमाडाैँ । उखु किसानकाे पीडालाई लिएर राप्रपाले सरकारलाई जनतामाराकाे संज्ञा दिएकाे छ।

पटक-पटक ठगिएका उखु किसानलाई लक्षित गर्दै अध्यक्ष डा. प्रकाशचन्द्र लाेहनीले सामाजिक सञ्जालमार्फत सरकारकाे जनतामारा नाटक सहेर जनता कहिलेसम्म चुप लगेर बस्ने? भनेका छन्।

उनले फेसबुकमा भनेका छन्-

धान खेती गर्ने किसानले समयमा मल नपाएर रुनु पर्ने। उखु खेती गर्ने किसानले पाउनु पर्ने उखुको पैसा नपाएर काठमाडौँको जाडोमा कामेर जुलुस गर्नुपर्ने। उखुको पैसा नतिर्ने साहुहरू सरकारको न्यानो माया पाउने। समाजवादउन्मुख सरकार चाहिँ झगडा गरेर जनतालाई मुर्ख बनाएर अग्रगामी नारा दिएर लुटमा व्यस्त हुने। अनि यो जनतामारा नाटक सहेर जनता कहिलेसम्म चुप लगेर बस्ने?