बाढीबाट १ हजार ८०० हेक्टर कृषियोग्य भूमि क्षति
- गाउँ सहर संवाददाता
- २७ भदौ शनिबार, २०८३ | १६:२०:०० मा प्रकाशित
काठमाडौँ । भदौ १० गते भोटेकोशीमा आएको विनाशकारी बाढीले रसुवा, नुवाकोट, धादिङलगायतका क्षेत्रमा ठूलो क्षति पुर्याएको छ। संयुक्त राष्ट्रसंघीय खाद्य तथा कृषि संगठन (एफएओ)को प्रारम्भिक मूल्यांकनअनुसार बाढीबाट करिब १ हजार ८०० हेक्टर कृषियोग्य भूमि क्षतिग्रस्त भएको छ।
एफएओका अनुसार बाढीका कारण करिब ७ हजार ७०० मेट्रिक टन कृषि उत्पादन गुम्ने अनुमान छ। खेतमा माटो र गेग्र्यान थुप्रिनुका साथै मत्स्य पोखरी, खाद्य भण्डार तथा कृषि पूर्वाधारमा समेत क्षति पुगेको छ।
प्रभावित ११ पालिकामा बाढीअघि करिब ३ लाख ५० हजार गाईभैंसी, भेडा–बाख्रा तथा १६ लाखभन्दा बढी कुखुरा रहेकामा ५ देखि १० प्रतिशतसम्म पशुपन्छी क्षति भएको हुन सक्ने एफएओले जनाएको छ।
एफएओकी उपमहानिर्देशक बेथ बेचडोलले बाढीले किसानको खाद्य उत्पादन र आम्दानीको आधारमा गम्भीर असर पारेको बताउँदै प्रभावित किसानलाई तत्काल बीउ, पशु आहारा तथा पशु स्वास्थ्य सेवा आवश्यक रहेको बताइन्।
एफएओले नेपाल सरकारसँगको सहकार्यमा बाली, पशुधन, मत्स्य, कृषियोग्य जमिन र कृषि पूर्वाधारमा भएको क्षतिको विस्तृत मूल्यांकन गरिरहेको जनाएको छ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- आज हरितालिका तीज : पाशुपत क्षेत्रमा बिहानैदेखि भक्तजनको भिड
- बाँदर नलाग्ने अकबरे खुर्सानीले चम्कायो वालिङको खेती
- हरितालिका तीज सुरु, आज दर खाइँदै
- रामेछाप कांग्रेसमा नेतृत्वको दौड, दुई पक्षबीच तानातान
- नेपाल एसीसी प्रिमियर कप च्याम्पियन हुँदै एसिया कपमा छनोट
- कुशे औँसीमा गोकर्णेश्वरमा क्रियटिभ सरसफाइको विशेष अभियान
- आज कुशेऔँसी अर्थात् बाबुको मुख हेर्ने दिन
- भोटेकोशी बाढी प्रभावितका लागि विशेषज्ञ चिकित्सकसहितको स्वास्थ्य शिविर
- आज जेनजी शहीद दिवस, देशभरि सार्वजनिक बिदा
- बाढीपीडितका लागि रिलायन्स एजुकेसन नेटवर्कको आर्थिक सहयोग
प्राप्त प्रतिक्रिया
तपाईँको मत
.png)
प्रतिकृया दिनुहोस