अर्थतन्त्र

नेप्से परिसूचक ३२.४५ अंकले घट्याे

• गाउँ सहर संवाददाता
• २५ चैत सोमबार, २०८१ | १५:४१:०० मा प्रकाशित

काठमाडाैँ। नेप्से परिसूचक दोहोरो अंकले घटेर बन्द भएको छ। आज नेप्से परिसूचक ३२.४५ अंकले घटेर २६७०.९४ विन्दुमा कायम भएको छ।

आज ३२२ स्क्रिप्सको १ करोड १४ हजार ८६६ कित्ता सेयर ५ अर्ब ६५ करोड ८९ लाख  ७३ हजार ७६६ रुपैयाँमा खरिदबिक्री भए। नेप्से दोहोरो अंकले घट्दा कुनै पनि कम्पनीको सेयर सकारात्मक सर्किट लेभलमा कारोबार हुन सकेन।

कारोबार रकमका आधारमा  हिमालयन रिइन्स्योरेन्सको ५० करोड ३६ लाख मूल्य बराबरको सेयर कारोबार भयो। एनआरएन इन्फ्रास्टक्चर एण्ड डेभलपमेन्टले  ४३ करोडको कारोबार गर्दा नेपाल रिइन्स्योरेन्सले ३३ करोड,राधी विद्युतले २८ करोड  र हिमालयन पावरले २१ करोड मूल्य बराबरको सेयर कारोबार गरे।