अर्थतन्त्र

आइतबार हाैसिएका सेयर लगानीकर्ता साेमबार दोहोरो अंकको गिरावटसँगै निराश

• गाउँ सहर संवाददाता
• ८ श्रावण सोमबार, २०८० | १६:३६:०० मा प्रकाशित

काठमाडौँ । मौद्रिक नीति सार्वजनिक भएको दिन आइतबार हाैसिएका सेयर लगानीकर्ता साेमबार दोहोरो अंकको गिरावटसँगै निराश भएका छन् । सोमबार सेयर बजार सकारात्मक बन्न सकेन । यस दिन नेप्से सूचक २६.६६ अंकले घटेर २२००.५० विन्दुमा पुगेको छ ।

आम लगानीकर्ताका लागि मनोवैज्ञानिक प्रभाव पार्ने विन्दु मानिने २२०० अंकमा पुगेर नेप्से राेकिएको छ । कारोबार रकम भने थप बढेको छ । यस दिन एउटा कम्पनीमा सकारात्मक सर्किट लाग्दा ४ अर्ब ७३ करोड रुपैयाँभन्दा बढीको सेयर कारोबार भएको छ ।

यस दिन २६५ कम्पनीको २ करोड ९ लाखभन्दा बढी कित्ता सेयर कारोबार भएको छ । २५ करोड ५६ लाख रुपैयाँभन्दा बढीसहित कारोबार रकममा नेपाल पुनर्बिमा कम्पनी अग्रस्थानमा रहेको छ । यसैगरी, दोस्रो र तेस्रो स्थानमा क्रमशः ग्लोबल आइएमई बैंक र प्रभु बैंक रहेका छन् ।