शेयरबजार : ४५ अंकले बढ्याे नेप्से, ५ अर्बकाे काराेबार
- गाउँ सहर संवाददाता
- २६ मङ्सिर बुधबार, २०८१ | १५:११:०० मा प्रकाशित

काठमाडौं । पाँच कारोबार दिन निरन्तर घटेपछि बुधबार शेयर बजारमा हरियाली देखिएको छ । गत साताको बुधबारदेखि निरन्तर घट्दै गएर पाँच कारोबार दिनमा १०५.९९ अंकले घटेको नेप्से परिसूचक आज ४५.८८ अंकले बढ्यो ।
यसदिन दुई हजार ७१५.७१ बिन्दुमा बजार बन्द भएको छ । अघिल्लो बुधबारदेखि निरन्तर घट्दै गएको नेप्से परिसूचक मंगलबारसम्म दुई हजार ६६९.८२ अंकमा झरेको थियो ।
कारोबार रकम पनि बढेको छ । अघिल्लो दिन ४ अर्ब ४१ करोडको कारोबार भएकोमा आज ५ अर्ब ५ करोडको भयो ।
२११ कम्पनीको मूल्य बढ्दा २९ को घट्यो भने ३ को स्थिर रह्यो । यस दिन बैंकिङ सेक्टर सबैभन्दा धेरै ३.४३ प्रतिशत बढ्यो । नेप्सेको तुलनामा बैंकिङ सेक्टर दोब्बरले बढेको हो । पूँजीकरणका आधारमा बैंकिङ सेक्टर सबैभन्दा शक्तिशाली रहेकाले यसको प्रभाव बढी पर्दछ ।
न्यादी हाइड्रोपावरको ९.९, कुथेली बुखरी स्मल हाइड्रोपावरको ९.६, नारायणी डेभलपमेन्ट बैंकको ८.८, माथिल्लो मैलुङखोला जलविद्युतको ८.५ तथा राप्ति हाइड्रोको ७.१ प्रतिशत मूल्य बढ्यो ।
खानीखोला हाइड्रोपावरको मूल्य १० प्रतिशत घट्यो । जोशी हाइड्रोको ८.२, महिला लघुवित्तको ६.२ तथा उपकार लघुवित्तको मूल्य ४.६ प्रतिशत घट्यो । कारोबार रकमका आधारमा जानाकी फाइनान्स, रिभर फल्स पावर, एनआरएन इन्फ्रास्ट्रक्चर, जोशी हाइड्रोपावर र एचआईडीसीएल क्रमशः अगाडि रहे ।
आज सेन्सेटिभ इन्डेक्स ९.७५, फ्लट इन्डेक्स ३.३९ र सेन्सेटिभ फ्लट इन्डेक्स ३.३८ अंकले बढेको छ भने म्युचुअल फण्डबाहेक १२ उपसमूहको शेयर बढेको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सुदूरपश्चिममा आज गौरापर्व मनाइँदै, दुई दिन सार्वजनिक बिदा
- चिलिमे जलविद्युत् केन्द्र बन्द
- चिनियाँ राष्ट्रपति सीसामु ‘प्रधानमन्त्री ओलीले जनाए आपत्ति’
- मनाङ १ (२) मा कात्तिक १७ गते नै उपनिर्वाचन गर्ने आयोगको निर्णय
- नेपाल प्रहरीको ३२औँ आईजीपीमा चन्द्रकुवेर खापुङ नियुक्त
- सुनको भाउमा ताेलामै नाघ्यो २ लाख
- ३८ अंकले घट्यो नेप्से परिसूचक, कारोबार ८ अर्ब माथि
- सुनको मूल्य हालसम्मकै उच्च, ताेलाकाे कति ?
- सामाजिक सञ्जाललाई सूचीकरणकाे अल्टिमेटमसहित मन्त्रिपरिषद्का यी १० निर्णय
- एकै महिनामा एक अर्ब ५० करोडको पेट्रोलियम पदार्थ आयात
प्रतिकृया दिनुहोस