गाउँ सहर

‘क्लिन चिट’ र सफाइ चलचित्र केही दिनमै सर्वत्र फ्लप भए लगत्तै कलाविहीन नयाँ नाटक मञ्चन भइरहेछ– प्रतिशोध !’

• गाउँ सहर संवाददाता
• ३ कार्तिक शनिबार, २०८१ | १२:५७:०० मा प्रकाशित

काठमाडौँ । नेकपा एमालेका सांसद सूर्य थापाले राष्ट्रिय स्वतन्त्र पार्टी (रास्वपा) का सभापति रवि लामिछाने पक्राउ परेपछि ‘क्लिन चिट’ र सफाइ चलचित्र फ्लप भएको भन्दै व्यङ्ग्य गरेका छन् ।

सहकारीको बचत रकम हिनामिनाको छानबिन गर्न सांसद थापा नेतृत्वमामा बनेको संसदीय विशेष समितिले रविमाथि कारबाहीको सिफारिस गरेको थियो ।

तर, प्रतिवेदनपछि रास्वपाका नेताहरू र स्वयम् सभापति रविले पनि क्लिन चिट पाएको भन्दै टिप्पणी गरेका थिए । 

त्यही प्रतिवेदन कार्यान्वयनका क्रममा शुक्रबार रवि पक्राउ परेको प्रहरीले जनाएको छ । 

त्यसको प्रतिक्रियामा सांसद थापाले फेसबुकमा लेखेका छन्, ‘क्लिन चिट’ र सफाइ चलचित्र केही दिनमै सर्वत्र फ्लप भए लगत्तै कलाविहीन नयाँ नाटक मञ्चन भइरहेछ– प्रतिशोध !’ त्यो पनि सुपर फ्लप हुने बाटोमा रहेको भन्दै थापाले प्रतीक्षा गर्न आह्वान गरेका छन् ।