गाउँ सहर

प्रभु स्टक मार्केटकाे औपचारिक सेवा शुरु, धितोपत्र खरिदबिक्री एकै ठाँउबाट

• गाउँ सहर संवाददाता
• ९ श्रावण बुधबार, २०८१ | १७:३७:०० मा प्रकाशित

काठमाडाैं । प्रभु बैंकको स्वामित्वमा रहेको प्रभु स्टक मार्केटले औपचारिक रुपमा सेवा शुरु गरेको छ ।

बुधबार कम्पनीका सञ्चालक समितिका अध्यक्ष लिला प्रकाश सिटौलाले उक्त सेवाको औपचारिक शुरुवात गरेका हुन् । उनले प्रभु बैंकको सहायक कम्पनीको रूपमा स्थापित उक्त कम्पनीले आगामी दिनमा शेयर कारोबारसँग सम्बन्धित सेवालाई थप सहज बनाउने बताए ।

उनले भने,‘ व्यावसायिक सेवा प्रदान गर्दै पूँजी परिचालन गरी नेपालको पूँजीबजारको विकास गर्नका लागि स्टक मार्केटले कुनै न कुनै योगदान पुर्‍याउने बताए ।

कम्पनीका प्रमुख कार्यकारी अधिकृत अशोक शेरचनले बैंकको सहायक कम्पनीको रूपमा अर्को एउटा संस्था स्थापित भएको र यसले आम लगानीकर्तालाई सहज बनाउन भूमिका खेल्ने बताए।

त्यस्तै, प्रभु स्टक मार्केटका  प्रमुख कार्यकारी अधिकृत भीष्मप्रसाद उप्रेतीले ब्रोकर कम्पनीको रुपमा स्थापित यस संस्थाले धितोपत्र खरिदबिक्री सम्बन्धी सम्पूर्ण सेवाहरू एकै ठाँउबाट सरल र सहज रूपमा प्रदान गर्ने बताए।

काठमाडौंको नयाँ बानेश्वरमा केन्द्रीय कार्यालय कार्यालय रहेको यस कम्पनीको अधिकृत तथा चुक्तापूँजी २० करोड रुपैयाँ छ ।