खेल

यू-१९ विश्वकप : नेपालले अफगानिस्तानसँग खेल्दै, सुपर सिक्समा पुग्न जित्नैपर्ने

• गाउँ सहर संवाददाता
• १२ माघ शुक्रबार, २०८० | १०:११:०० मा प्रकाशित

काठमाडौं । दक्षिण अफ्रिकामा जारी आसिसी यू–१९ विश्वकप २०२४ मा नेपालले समूह चरणको आफ्नो अन्तिम खेलमा आज अफगानिस्तानसँग खेल्दैछ । दुबै टोलीका लागि खेल उत्तिकै महत्वपुर्ण रहेको छ ।

अघिल्ला दुबै खेल गुमाइसकेका दुई टोलीबीचको विजेता सुपर सिक्समा पुग्नेछ। खेल नेपाली समय अनुसार दिउँसो १ः४५ बजे बफेलो पार्क इस्ट लन्डनमा सुरु हुनेछ ।

समूह ‘ डी’ को पहिलो खेलमा न्युजिल्यान्डसँग ६५ रन पराजित नेपालले पाकिस्तानसँगको‌ अर्को खेल ५ विकेटले गुमाएको थियो ।

अफगानिस्तान पाकिस्तानसँग १ सय ८१ र न्युजिल्यान्डसँग १ विकेटले पराजित भएको थियो । नेपाल र अफगानिस्तानबीचको विजेता टोली सुपर सिक्समा‌ पुग्नेछ । पराजित टोलीले १३ देखि १६ औं स्थानको लागि प्लेअफ खेल्नुपर्ने हुन्छ ।

नेपाल र अफगानिस्तान यू-१९ विश्वकपमा पहिलो पटक‌ एकअर्काविरुद्ध उत्रदैछन्‌ ।