नेपालले अफगानिस्तानलाई जित्न सकेन
एसीसी यू–१९ एसिया कप
- गाउँ सहर संवाददाता
- २४ मङ्सिर आइतबार, २०८० | १८:४५:०० मा प्रकाशित
काठमाडौं । एसीसी यू–१९ एसिया कपको आफ्नो दोस्रो खेलमा नेपालले अफगानिस्तानलाई जित्न सकेन ।
आइतबार यूएईको आईसीसी एकेडेमी ओभल–२ मा भएको खेलमा अफगानिस्तानले प्रस्तुत गरेको २६२ रनको लक्ष्य पछ्याएको नेपालले ४०.१ ओभरमा १८८ रन जोडेर अलआउट भएसँगै ७३ रनले पराजित भएको छ ।
नेपालका ओपनर अर्जुन कुमालले ९१ रन बनाए पनि टिमको हार टार्न सकेनन् । उनले १०८ बलमा १३ चौका प्रहार गरे । कप्तान देव खनालले २४, गुल्सन झाले १७, दीपक बोहराले १५ र दीपेश कडेलले ११ रन थपे ।
अफगानिस्तानका फरिदुन दाउदजाई र नासिर खानले समान तीन विकेट लिए । मोहम्मद युनिसले दुई विकेट लिदा वहिदुल्लाह जद्रान र खालेल अहमेदले एक–एक विकेट लिए ।
त्यसअघि टस हारेर ब्याटिङमा उत्रिएको अफगानिस्तन टोलीले निर्धारित ४९.३ ओभरमा सबै विकेट गुमाएर २६१ रन बनाएको थियो ।
अफगानिस्तानका जम्सिद जद्रानले १०६ रन बनाए । उनले १५२ बलमा आठ चौका प्रहार गरे । नुमन साहले ४१ बलमा पाँच चौका र तीन छक्कासहित ६० रन थपे । रहिमुल्लाह जुर्मतीले ३५, वफिउल्लाह तराखिलले १५, सालेल अहमेदले १३ र खालिद तानिवालले १० रन जोडे ।
नेपालका गुल्सन झा, हेमन्त धामी र सुवास भन्डारीले समान दुई विकेट लिए । दीपेश कँडेल र आकाश चन्दले समान एक विकेट लिए ।
यो हारसँगै नेपालको सेमिफाइनल पुग्ने सम्भावना निक्कै कमजोर बनेको छ । यसअघि, पहिलो खेलमा नेपाल पाकिस्तानसँग सात विकेटले पराजित भएको थियो । अफगानिस्तान पनि पहिलो खेलमा भारतसँग सात विकेटले नै पराजित भएको थियो ।
नेपालले अब समूह चरणको अन्तिम खेलमा मंगलबार भारतसँग खेल्ने छ । आईसीसी एकेडेमी ओभर–२ मा हुने यो खेल बिहान ११ः१५ बजे सुरु हुने छ ।
समूह ‘ए’मा नेपालबाहेक बाँकी तीनै देशले आईसीसीबाट टेस्ट राष्ट्रको मान्यता पाएका छन् । समूहका शीर्ष दुई टिमले सेमिफाइनलमा स्थान बनाउने छन् । दुवै सेमिफाइनल खेल मंसिर २९ गते हुनेछ । प्रतियोगिताको फाइलन खेल दुबई अन्तर्राष्ट्रिय क्रिकेट मैदानमा पुस १ गते हुने छ ।
गएको अक्टोबरमा भएको छनोटबाट नेपाल, यूएई र जापानले शीर्ष तीन स्थान हासिल गर्दै एसिया कपमा ठाउँ बनाएका हुन् । नेपाल प्रिमियर कपको विजेता, यूएई उपविजेता र जापानले तेस्रो स्थान सुरक्षित गर्दै यूएईको टिकट काटेको थियो
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपालमा कुल जनसंख्याको २० प्रतिशत अति उच्च परिवार
- राेहितले राम्राे खेलेपनि नेपालले १६१ रनको लक्ष्य पछ्याउन सकेन
- सबैभन्दा धेरै रेमिट्यान्स भित्र्याएकाेमा ग्लोबल आइएमई बैंक सम्मानित
- दोहोरो अंकले बढ्याे नेप्से, यस्ताे रह्याे शेयर काराेबार
- वेष्ट इन्डिज ‘ए’ ले दियाे जितका लागि नेपाललाई १६१ रनको लक्ष्य
- लगानी सम्मेलनमा के भने प्रधानमन्त्री प्रचण्डले ?
- देशभरका अशक्त र गरिब बिरामीले नि:शुल्क उपचारका लागि काठमाडाैं महानागरमा सम्पर्क गर्न सक्ने
- राष्ट्रपतिद्वारा लगानी सहजीकरण सम्बन्धी ऐन संशोधन गर्ने अध्यादेश जारी
- तेस्रो लगानी सम्मेलन सुरू
- अक्षरयात्राको २१० औं श्रृङखला खास्टेताल किनारमा
प्रतिकृया दिनुहोस